立場新聞 Stand News

澳門市民遊行 抗議當局對違泊過度執罰 政策離地

2018/6/16 — 23:09

論盡媒體圖片

論盡媒體圖片

澳門「社區發展新動力」發起遊行,抗議澳門當局對違泊過度執罰,反對駕照互認,要求增加公共車位以及完善交通設施。遊行隊伍約 4 時由華士古花園出發,沿途高叫口號,約 5 時到達澳門政府總部遞信請願。主辦方稱,估計遊行人數達 3,500 人以上;而警方則表示有 2,500 人;有資深突發記者則認為至少有 5,000 人參與遊行。

參加遊行的朱先生認為,今次遊行反映澳門政府官逼民反。雖然當局已撤回修法諮詢,「但唔係撤回唔諮詢就當無咗回事,重點係官員的思維好有問題,由頭到尾都是高高在上,不體恤民情。今日我哋企出嚟,佢就話撤啫,他朝一日,佢再有啲咩法的時候,我哋唔企出嚟,咁係咪乜嘢都可以夾硬嚟,完全唔需要聽民意?今次遊行只是前奏,日後政府再咁樣嘅時候,我相信澳門人呢啲活動將會越來越多,越來越大,政府到時先知錯就恨錯難返。」

黃先生表示,澳門車位嚴重不足,當局還想大幅調升違泊罰款完全是「無腦」的表現。他又批評交局長林衍新早前的言論過份,「講嘅嘢都唔係人講嘅。點解一年會有 80 幾萬宗抄牌?因為無車位囉!因為係又抄,唔係又抄,日又抄,夜又抄囉! 」

廣告

陳先生批評,政府施政不分輕重緩急,本末倒置,官員統籌混亂。澳門路工程過多,輕軌進度嚴重滯後,市民被迫要自駕出行,政府不但沒有提供足夠車位,反而日夜不停地抄牌,還想大幅度增加違泊罰款。他認為,政府應先處理好交通問題,再討論調升罰款就不會有這麽多市民反對。

 

廣告

(標題為編輯所擬,原題為〈6.16大遊行 市民怒吼︰政策離地 官逼民反〉,原刊於論盡媒體

發表意見