2016/11/7

人大第五次釋法

2016/11/7

2016/6/16

林榮基勇敢說真相 爆中央拘押手段

2016/6/16

2016/12/2

政府入稟覆核四議員資格

2016/12/2

2016/12/6

申訴專員指政府阻網媒採訪投訴成立

2016/12/6

只需每月贊助$200

守護言論與新聞自由

立場新聞,寸步不退

守護言論與新聞自由。立場新聞,寸步不退

每月贊助$200,支持立場新聞

7
立場新聞 Stand News

孵蛋痾屎都係藝術,越怪越 art like?

2017/4/21 — 14:17

咩係藝術,咩唔係藝術?

有啲人覺得,仲駛乜討論,呢個世界所有嘢都可以係藝術,藝術已經失去光環。特別係視覺嘅嘢。有咗相機之後,畫畫再像真都無用,反正影相一定最似。而家有埋電腦,photoshop 咁普及,放張相上 facebook 都要美圖瘦瘦,要畫面靚真係要將完美就有幾完美。

唔知係咪因為咁,所以而家啲人對於藝術嘅定義,唔再講靚,定義仲闊到你唔信。

廣告

側邊嗰個今朝 send 咗兩單新浪網啲新聞嚟,一篇係〈行為藝術!法國男子「孵蛋」 3周後成功孵出小雞〉,另一篇係〈對唔準馬桶「痾 S 」 網民:裝置藝術?〉,佢問:吓,孵蛋又叫藝術,痾屎又叫藝術,有咩唔係藝術?

又好似講得幾啱喎,但諗深一層,係咪真係闊咗呢?

廣告

「廁所衛生關注組」 facbook 相片

「廁所衛生關注組」 facbook 相片

唔見得係事實嘅全部喎,我覺得有時啲人只係將啲解唔到嘅嘢叫做「藝術」。好地地,一個男人走去扮雞孵蛋,都唔知佢為乜;又或者,有屎坑都唔識用,hi 舊屎喺廁邊咁撩lung,仲唔係藝術家嘅大作?!

呢啲唔係叫拉闊藝術定義,而係將對藝術嘅偏見無限放大。正如,好多年前嘅笑話,畢加索講成「不加思索」;近幾年又有「藝術嘅嘢你識條春」之類,好多好多,大家都仲係抱住「藝術勁難明、超離地」嘅印象,將「藝術」當成一個形容詞,放落啲自己理解唔到嘅嘢度,結果就搞到好似成街都藝術,仲以為自己「解放藝術」好偉大。

嗱,我都戴返個頭盔先,我唔覺得藝術一定要放係廟度受人香火,之但係,學黎天王話齋「要贏人先要贏自己」,要解放藝術都係「先要解放自己」。見到啲唔明唔理解嘅嘢,唔係一下就閂埋門鬧,先去了解吓咩事先。

好似孵蛋單嘢咁,嗰位法國男人叫 Abraham Poincheval,早幾年佢已經試過幾次「玩嘢」,挑戰自己係舊石頭入面住咗一個禮拜,而今次就挑戰母雞因為孵蛋行唔開,成廿幾日 keep 住喺一個細小空間度。你就發現,呢個人唔係屎忽痕,無嘢搵嘢嚟做,而係佢一直都挑戰緊身體同空間嘅關係,一個人可以在一個幾侷促嘅環境下生存。喂,呢個我明喎,自我挑戰不嬲都係藝術好常見嘅嘢,特別是行為藝術成日都會挑戰人體極限,即係好似 Pyotr Pavlensky 將個春袋釘喺紅場咁。

至於舊屎,唔好意思,起底組仲未搵到個當事人,唔知點解佢要咁痾法,所以我判斷唔到佢係唔係藝術。如果你有資料提供,我哋再一齊研究吓!

發表意見

相關文章