立場新聞 Stand News

眾籌整隻大老鼠,等特朗普返華盛頓?

2017/8/15 — 16:26

Anti-Trump 嘅 Twitter 圖

Anti-Trump 嘅 Twitter 圖

一個打工仔,一年都唔知有無十日假,但總統大人有,特朗普一次過攞足十七日,夠皮未?佢仲要曬辛苦話自己實際係「工作假期」,真係一句話惹毛美國人。

趁特朗普唔係位,第一個出手嘅係金仔,玩導彈瞄準闖島,搞到特朗普放假都要開記招,最後仲要提早結束悠長假期,琴日趕返華盛頓開工。總統咁勤力,國民梗係好欣慰啦,仲整定啲好嘢等佢。

今年三月,Bravin Lee 藝廊嘅老闆 John Post Lee 喺 facebook 發起眾籌,炮製一隻 15 英尺高嘅「特朗普大老鼠」。眾籌早就成功咗,貨呢就遲到,但遲得啱啱好。John Post Lee 琴日就帶住隻大老鼠去 Fifth Avenue 散步,仲要專登兜去 Trump Tower 門口,睇吓特朗普返咗嚟未?

廣告

咁大隻老鼠隨街走,梗係好多人都望住啦!更何況,幾日前白宮附近個花園,先有隻「Trump雞」。「Trump雞」雖然唔係眾籌出世嘅,但藝術家講到明係要諷刺特朗普係弱勢政府,國內國外對住邊個都咁「弱雞」!成個 Twitter 都係「Trump雞」相,今日仲多埋「Trump鼠」添!

廣告

諗諗吓,特朗普都幾萬能 key 㗎喎,唔知下次仲可以 crossover 咩動物呢?

發表意見