立場新聞 Stand News

街市花檔變身藝術空間 買餸順便睇展覽?

2018/3/3 — 18:35

「街市博物館」登陸西營盤正街街市

「街市博物館」登陸西營盤正街街市

左邊係花店,右邊係豆腐舖,中間嗰檔係乜?

博物館,係「街市博物館」,昨日於西營盤正街街市開幕。近年,創意登陸街市,先後出現街市書店,街市cafe,再來街市的藝術空間。發起「街市博物館」的藝術家余琦琦有感於市民對街市的想像豐富,嘗試從藝術的角度出發,在租金高昂的香港,實驗另類展覽場所的可能。

全港公營街市超過一百個,提供約 14,000 個舖位。余琦琦認為,公營街市遍佈十八區,如能推動藝術在街市,或可發展成「區區有藝術」的狀態,「如果每一所公眾街市都有一個美術館或博物館,香港人的生活會是怎樣?」由此概念出發,她成功申請藝術發展局資助,租下正街街市一個花店舖位,展開這場空間實驗。

廣告

劉學成和陳正文攜手創作的《金犬咬春迎新歲》

劉學成和陳正文攜手創作的《金犬咬春迎新歲》

廣告

開幕當日,余琦琦邀請同為香港藝術家的劉學成和陳正文舉行名為《金犬咬春迎新歲》的展覽。二人分別製作意指「轉桃花」和「許願池」的裝置,呼應花卉的主題,同時又迎合新正頭的氣氛。遠觀時,整個單位更有類似日本「床之間」的感覺。就觀察所見,不少路過的街坊停下來看,甚至有人會拋硬幣去「許願池」祈福,附近檔主也會幫口說一句「話今日開幕喎」。

「呢啲溝通連結都係有趣嘅。」余琦琦向《立場新聞》表示,團隊一個月前開始來到場佈置,慢慢跟附近商戶接觸。左邊的花店很好奇,一度以為是甚麼競爭對手;右方的豆品店老闆也曾問他們做甚麼生意,她笑言自己「賣藝術花」。她形容,與街坊互動感覺微妙,但未敢輕言要做到用藝術連結社區,「希望啲街坊行過見到好奇,藝術嗰樣嘢想俾返每個人自己感受。其實好簡單,你覺得𠴱樣嘢好靚、好香,已經感受咗藝術」。

不少街坊駐足停留「街市博物館」,觀賞藝術作品。

不少街坊駐足停留「街市博物館」,觀賞藝術作品。

「我都唔sure件事turn out會點,commit 咗三年,但做唔做到都真係唔知。」余琦琦坦言,租約雖然三年,但未有足夠資金持續營運,每一步都是摸著石頭過河。她目前計劃一兩個星期轉換一次展品,展覽圍繞「花」的主題,並以靜態為主,「但我哋無人操作㗎,唔閂閘,燈都唔洗熄,啲藝術品無人睇住,唔係個個 artist 肯」。開幕首展以外,她雖然排了一些計劃,但現正招募未來合作的單位,歡迎各方提議該如何以藝術行動介入,笑道:「無諗太多之後會點,想睇吓個反應,測驗吓可行性,好多嘢 unknown,藝術真係執生㗎。」

發表意見