2016/11/7

人大第五次釋法

2016/11/7

2016/6/16

林榮基勇敢說真相 爆中央拘押手段

2016/6/16

2016/12/2

政府入稟覆核四議員資格

2016/12/2

2016/12/6

申訴專員指政府阻網媒採訪投訴成立

2016/12/6

只需每月贊助$200

守護言論與新聞自由

立場新聞,寸步不退

守護言論與新聞自由。立場新聞,寸步不退

每月贊助$200,支持立場新聞

7
立場新聞 Stand News

5件你未必知嘅埃貢席勒事跡

2016/12/6 — 21:41

【藝術號外】係佢短暫嘅28年人生,埃貢席勒畫出當時最爆炸性嘅人體畫作。呢位英年早逝嘅天才,改變咗自畫像、情色、道德嘅藝術。佢筆下嘅人物四肢扭曲、色情,佢講過一句名言:「情色藝術都可以好得人驚。」

佢嘅作品非常有個性,一眼就認得出,但你未必知道以下有關佢嘅5件事跡。

廣告

1.埃貢席勒未完成藝術學位

喺香港,唔少工都話要學位,個個為咗入大學都爭崩頭,不過埃貢席勒就唔在乎呢啲嘢。話說佢16歲入讀維也納美術學院(則係拒絕希特拉入學果間),但不滿校內保守嘅學院風氣,公開地對抗教授。佢追求嘅係前衛藝術,學院入面根本滿足唔到佢,所以係讀唔夠一年就退學。當佢嘅繪畫老師知道佢要離開,仲同佢講:「你千其唔好同人講你係我教出來。」

廣告

2.埃貢席勒原來係個詩人

你估都估唔到,原來埃貢寫過唔少詩,雖然唔係當時最出色嘅表現主義詩,但仍然可以幫助我哋去了解埃貢嘅藝術視野。佢有好多首詩嘅題目好似畫畫咁樣,例如「自畫像素描」、「自畫像」,而且仲有好多首關於顏色添。

3.埃貢席勒私生活非常放蕩

好多藝術家都出名咸濕,但埃貢將放蕩推到一個境界。係某年嘅8個月內,曾經有至少180位「女訪客」去過佢間工作室。佢係1915年奇蹟地結咗左婚,頭果幾年仲好貞忠添。自始,佢老婆做咗佢嘅私家模特兒,後來佢老婆肥咗,唔再符合佢嘅藝術形象,就搵過其他模特兒。

話事話,見佢瘦猛猛咁,估唔到咁好力。

4.埃貢曾經入獄

係1912年,埃貢「誘騙」咗好幾位未成年少女去佢間工作室。雖然未有足夠証據証明佢衰十一,但最後都因為「兒童色情畫」而被判入獄24日。係獄中,埃貢仍不忘創作,畫左12幅畫作。佢真係為藝術去得好盡。

5.埃貢席勒原來係精神分析學畫家

與埃貢同時代嘅,就係鼎鼎大名嘅弗洛伊德。弗洛伊德嘅精神分析學探究人類潛意識同變態行為。而埃貢亦都係透過畫作去發掘人類嘅精神狀態、性、道德等等。好多專家指出,埃貢席勒嘅自畫像其實係佢內心嘅觀照,將佢嘅精神狀態畫落來。

想睇更多藝術資訊?Click入去

TumTum.hk 嘅FB
TumTum.hk嘅網站

 

發表意見

相關文章