立場新聞 Stand News

悼劉曉波 聲援劉霞 五千人踏上街頭 年輕人:我地嘅訴求好簡單 就係要求釋放劉霞

2017/7/18 — 21:59

15/7 悼劉曉波,聲援劉霞,五千人踏上街頭

年輕人:我地嘅訴求好簡單,就係要求釋放劉霞。

* * *

除六四以外,平日往中聯辦的遊行,往往不過數十人,五十歲下的面孔絕無僅有。

廣告

但這晚,千計的人難得地聚攏街頭。因中聯辦的正門恍似其心胸,人潮須縮成單行,魚貫到門前弔祭,由夜晚七點半起行,直到最後一撮人在凌晨抵達門口,大部分時間民眾都在淋雨守候。

為了劉曉波和劉霞,不少年輕人的身影亦加入川流。

廣告

* * *

Wallen

「肝癌唔係一朝一夕的事。。。一個諾貝爾獎得主受到咁嘅迫害,前日過身,今日火化,係非常過分而且刻薄嘅事。我地嘅訴求好簡單,就係要求釋放劉霞。」

「對我嚟講人權係無國界,站出嚟係責無旁貸。」

* * *

鄺女士(陳太太)

「小朋友一直都參與六四,七一,所以佢地有基礎知識。劉曉波喺不公義嘅情況下過身,得唔到合理安葬,佢地都能夠理解。」

「唔公義就係唔公義,我冇特別強調中國人嘅身份,毋須要強調,亦毋須要割裂。你地覺得支聯會好弱勢,搞啲嘢唔好睇。我覺得每代人諗法唔同,冇辦法喇,最緊要係認同理念。」

* * *

葉先生

「我出嚟嘅原因,除左劉曉波到死依然未獲自由,仲想鼓勵劉霞,用腳步以示支持,希望佢睇到喇。」

「劉曉波嘅付出同香港息息相關,要爭取民主,就要面對中國嘅強權。如果切割得到,香港早應該有民主,但中共的威力仍然喺度影響香港,唯有盡力去做。切割下爭取民主嘅成功率可能更低。」

* * *

韓先生

「無論劉曉波係咪因為中共嘅壓迫離世,都應該悼念佢。而且佢早死可能同中共有好大關係。」

「好多人批評支聯會悼念左咁多年六四都冇用。但我覺得悼念劉曉波係啱,所以就參加。」

* * *

阿進(受訪者不便拍照)

「可能我都係大中華膠?雖然係支聯會搞,但應該睇議題,而唔係邊個搞。」

「支聯會被人詬病嘅地方之一,就係除六四之外冇做嘢嘛。咁而家佢有嘢搞,唔應該繼續杯葛佢。」

* * *

呂小姐(受訪者不便拍照)

呂小姐是中大的陸生。

「其實無咩特別感受,因為已經參加左好多次。。。但依次比較傷心,中國做得特別差。」

「香港嘅前途好絕望,發生好多唔好嘅事,大家都覺得無能為力。所以我好理解本土派年輕人嘅感覺。」

* * *

林女士(受訪者不便拍照)

「我地作為大學生,喺社會上已經最小包袱,最多時間。生於依個時勢,應該要出嚟囉。」

「即使平時大家立場唔同,但當目標一致,最重要就係結集到一班人。」

「去到依個時候,舉辦嘅單位係咩已經唔再重要。」

發表意見