立場新聞 Stand News

拔萃對對喇沙對 九霄鵠志

2018/3/9 — 13:07

資料圖片:拔萃男書院、喇沙書院 Facebook 圖片

資料圖片:拔萃男書院、喇沙書院 Facebook 圖片

眾志拔群 銳氣凌千嶽
仄仄仄平 仄仄平平仄
同心萃聚 嘯聲越九霄
平平仄仄 仄平仄仄平

做老師嘅其中一個好處係可以繼續寫同做呢啲泥古嘢,繼續磨練自己嘅文學觸角同修養,唔使被人批鬥「妄圖建立中文霸權」、「泥古」、「明咪得囉」、「呢啲嘢無人睇」、「而家啲流行小說先係大宗」、「無人睇嘅嘢無存在價值」、「平上去入唔科學唔符合語言學發展觀」。

睇返呢對,先有嵌名「拔萃」,最出彩嘅平仄對得好工整下,係頓嘅地方「群、聚」平仄交錯,上聯平頓仄收下聯仄頓平收,喺今日已經少見。另外嵌字方面,「拔萃」本身就好難配詞,但呢副聯用得好自然,拔群同萃聚都算解得通,唔突兀。後面銳氣凌千嶽同嘯聲越九霄好有霸氣,雖云霸氣有餘皇者之道稍欠,語言平實,雖不算俗套,但仍未至奇巧。不過呢啲場合(學界比賽)亦唔需要平實內容奇巧用語得去邊吖。最好嘅一點係嘯聲越九霄真係拔萃仔打氣聲最好嘅描述,情景交融反映現實呀。

廣告

睇下友校果對:

乘風展翅 破雨穿雲酬鵠志
逸土攢蹄 爭鋒逐鹿耀黌光

廣告

呢對就更泥古,但文化修養真心高。酬鵠志呢句真心唔錯,今時今日好少人寫得出同欣賞得到。不過逸土攢蹄一句我覺得感覺怪怪地,攢蹄嘅形象好似稍欠。最後「黌光」呢個詞偏向賣弄,我諗識睇識欣賞嘅人更少。不過總括而言,呢對嘅泥古度係合適嘅,有古樸莊嚴感,不過感覺上下聯落差有點大,上聯氣勢太快逸出太磅薄,反而下聯未明顯高於上聯。之前睇過有啲大學生嘅泥古文聲明,就真係太過賣弄,詰屈贅牙,不知所云嘞。

呢副對係喇沙的,無嵌詞。

 

(標題為編輯所擬;原刊於作者 facebook

發表意見