立場新聞 Stand News

Page One 開倉,有乜咁開心?

2016/9/7 — 16:20

Page One 開倉
(圖片來源:Page One HK facebook)

Page One 開倉
(圖片來源:Page One HK facebook)

幾多人 share 話去完 Page One 個倉掃貨,好平好抵,不過係 20 蚊起。Check 下 Page One 個 Official page,一片書迷問有咩書揀,心諗:有乜咁開心?佢開倉,我第一時間浮現「大限將至」四個字。

Page One 算係香港少數賣設計藝術書嘅書局,雖然好多書都唔平,但本身藝術書就係咁嘅價。三中商以外,Page One 算係另一間大型連鎖書店,英文書又多,其實應該有得做,年年書展都係必到嘅 check point。

今年年頭開始,Page One 負面消息不絕。首先係自我審查,機場唔賣大陸禁書;再來就係機場全線分店收皮;上個月嘅財困拖數……夾夾埋埋,今個月頭搞「無限期開倉」,你話係咪好可疑先?

廣告

有朋友呢幾日去過,話見到其實去嘅人多,買嘢嘅人少。賣嘅書,大部分都是藝術書,好厚好大本嗰隻。見住啲書一疊一疊咁擺係卡板上面,朋友話十足啲搬遷大減價「要錢唔要貨」嘅 mode。「滿足大家舖買書癮」做招徠嘅「破天荒」開倉,究竟係咪散貨賣盤先?

回帶一睇,Page One 回應財困時,曾經話過:「與投資者的洽談已進入成熟階段。我們深信新的資金定能為書店帶來新的機遇及更好的發展。」新資金要來了,「禁書」拋開唔賣,撤出機場唔做,老本行嘅藝術書要咁開倉清貨法……到底係咩投資者,要做咁大嘅讓步?又要咁大規模的換血呢?

廣告

Page One 下年可能都仲係度,但佢仲係唔係我哋熟悉嗰間 Page One 呢?

發表意見