2016/11/7

人大第五次釋法

2016/11/7

2016/6/16

林榮基勇敢說真相 爆中央拘押手段

2016/6/16

2016/12/2

政府入稟覆核四議員資格

2016/12/2

2016/12/6

申訴專員指政府阻網媒採訪投訴成立

2016/12/6

只需每月贊助$200

守護言論與新聞自由

立場新聞,寸步不退

守護言論與新聞自由。立場新聞,寸步不退

每月贊助$200,支持立場新聞

7
立場新聞 Stand News

十隻港股 九隻垃圾

2017/7/2 — 10:52

《大時代》劇照

《大時代》劇照

上周莊家股股災,個別莊家股勁插9成4,唔少都跌7、8成,當天港股五十大跌幅表中,普遍跌幅超過5成,何其壯哉!」

事後市場好多馬後炮,有話之前David Webb點名五十妖股影響所致,有說證監話要查,亦有講莊家Call 孖展斬倉;作為老散,都唔知邊個啱,但即使你知原因都冇用,如果你揸咗呢啲股,結果都係一樣,就係「輸死」。

坦白講,唔好話呢啲莊家股,過去十年市場無數咁多股票,有邊隻真係可以俾你長揸而賺到錢,可以講有數得計。有啲股份某段時間因為莊家炒作,或因某啲概念而炒起,唔使幾耐都要打回原型,衰啲嘅仲要倒輸。

廣告

九成港股買唔過

近年買香港上市嘅股票,輸多贏少。你話買新股,除咗啲創業板股仔靠圍飛炒起幾十倍外,大部份事後都係跌低過招股價。偶爾碰到一兩隻所謂明日之星股,最後發覺都係「錯愛」,唔係涉嫌做假就係有水份,好似瑞星、輝山、宏橋、魏橋、敏華、通達、中滔環保、中國光纖等。至於其它股份,唔少長期升吓跌吓,又或唔升唔跌,半死不活。

廣告

作為散戶,想學股神長線持有,結果唔係輸死就俾佢悶死;想學高手炒上炒落,又冇超高的Market timing能力,確實幾無奈,難怪最近有調查,港股散戶人數跌到近年得兩成。

再誇啲講句,9成港股根本係垃圾,當中可能有一半連垃圾都不如,因為垃圾最多係廢,但有啲股份會令你輸身家,財富蒸發力直迫迷債。

長升股份十隻都冇

喺咁環境,怪唔得有個別股份貴貴都有人追,投資者會咁諗,予其博啲老千股,不如集中資金買一、兩隻,經歷過長期驗證係得嘅股票,就算PE好高都冇乜所謂,事關今日市場Winner Takes it all(贏家獨攬),寧可買貴,切勿買錯。

過去十年有邊隻股做到長升長有,股價拾級而上(唔計嗰啲近年突然一升嘅股份,例如吉利及恒大,而友邦上市就唔夠10年),答案係騰訊、領展、煤氣、地鐵、中銀香港、中電、中國民航訊息、瞬宇光學,石藥,就係咁多喇,真係十隻手指數得晒。

 

發表意見

相關文章