2016/11/7

人大第五次釋法

2016/11/7

2016/6/16

林榮基勇敢說真相 爆中央拘押手段

2016/6/16

2016/12/2

政府入稟覆核四議員資格

2016/12/2

2016/12/6

申訴專員指政府阻網媒採訪投訴成立

2016/12/6

只需每月贊助$200

守護言論與新聞自由

立場新聞,寸步不退

守護言論與新聞自由。立場新聞,寸步不退

每月贊助$200,支持立場新聞

7
立場新聞 Stand News

國泰早晚被踢出恒指成份股

2016/12/18 — 10:47

資料圖片:國泰航空

資料圖片:國泰航空

前幾日港交所股權披露,建滔化工(0148)竟持有國泰航空(0293)然超過5%,市場唔少人都好愕然,一個廠佬因乜要買國泰?唔通佢想學畢菲特,開始投資航空公司,但好不幸,可以話俾張老闆聽,佢投資緊一間正不斷被損害價值嘅公司。

國泰近一年業績好差勁,早排又發盈警,即係2016年都唔慌好,大家可能會話係油價拖累,冇人知道油價跌到咁殘,對沖期油蝕咗幾十億,只要啲對沖合約完結,國泰應該冇問題。

自我摧毁頂級品牌

廣告

千萬唔好咁諗,Loser可以跟大家講,油價固然係一個問題,但最大問題係國泰近年作風改變,將品牌價值不斷摧毁,長此下去,只會徹底打爛呢個金漆招牌,呢個先係公司致命傷。

品牌呢樣嘢係無價寶,點解啲外國名牌可以賣咁貴,最大原因係個名,呢個除咗係品質保證外,更加係身份像徵。國泰原本係航空界嘅名牌,殊不知呢幾年為咗慳啲蠅頭小利,將幾十年來艱苦經營得來嘅名聲拱手斷送。

廣告

某啲管理層可能沾沾自喜,哈哈,慳咗包花生,俾少杯橙汁,提供少咗毛氈,播少兩套戲,再減多一兩成客戶服務,話知你啲客打電話冇人聽,又或聽咗都冇乜跟進,總之以慳錢為上,結果左cut右減,確係慳咗錢喎,掂!

貪小利損害長遠價值

問題係慳咗啲成本,但將最核心價值-「品牌」拋棄,你話值唔值?品牌唔係話有錢就可以一時三刻買到,而係靠長年累月客戶口碑去建立。點解啲人要買新地樓?就係因為人人都話新地樓好嘛,其實新地好多樓嘅位置唔靚,樓價又高,管理費更加高人一截,點解大家都要買,因為有品牌;住新地樓除咗質素好啲外,最重要同人講時都威啲,咁樓市升時新地樓嘅價錢升多啲,樓市跌時新地樓又跌少啲,呢啲就係品牌嘅無形價值。

一間公司竟然為咗眼前小小利益而搞到變咗廉航服務(但收費並非廉航),你話有冇前景?值唔值得投資?我怕佢遲啲連恒指成份股個地位都不保呀。

發表意見

相關文章