2016/11/7

人大第五次釋法

2016/11/7

2016/6/16

林榮基勇敢說真相 爆中央拘押手段

2016/6/16

2016/12/2

政府入稟覆核四議員資格

2016/12/2

2016/12/6

申訴專員指政府阻網媒採訪投訴成立

2016/12/6

只需每月贊助$200

守護言論與新聞自由

立場新聞,寸步不退

守護言論與新聞自由。立場新聞,寸步不退

每月贊助$200,支持立場新聞

7
立場新聞 Stand News

投資最忌碰上李斯特城

2017/2/26 — 10:25

李斯特城前鋒岡崎慎司(左)與曼聯守將史摩寧。圖片來源:李斯特城 facebook

李斯特城前鋒岡崎慎司(左)與曼聯守將史摩寧。圖片來源:李斯特城 facebook

上屆英超冠軍李斯特城突宣布解僱領隊雲尼亞里,大家都估唔到,雲尼帶領球隊贏得歷史上首個英超聯賽冠軍,早前又攞咗2015-16年英國最佳領隊,最終都會俾球會炒魷。

好明顯,主因係球隊今屆成績強差人意,上周喺英超排名17,可以講瀕臨降班邊緣,踏入2107年更加係未嘗一勝,歐聯十六強首回合又輸俾西維爾,令老闆一怒而痛下殺手。

去年冠軍,今年隨時要降班,令博彩公司大跌眼鏡,原因可能今屆其它球隊已熟識李斯特城嘅反擊踼法,有所針對;其次球隊話晒係舊年冠軍,各隊跟佢對賽時,自然不會輕敵,更加專注。另外,球隊中場攔截力十分強勁嘅簡迪俾車路士撬走,嚴重削弱李斯特城嘅第一道屏障;而早前非洲國家杯,球隊幾名非洲主力要為國家隊效力,都大大影響英超成績。

廣告

辜勿論點,成王敗寇。睇到李斯特城,令人諗起沽神保爾森,佢喺美國次按一役勁沽美股,結果一戰定江山,成為美國大冧市嘅大贏家,贏得沽神美譽。點知佢其後表現大走樣,買黃金就金價跌,投資嘉漢林業就被沽空機構踼爆做假,損失超過十億港紙。

我哋投資股票或基金,最怕就係大起大跌,你今年贏爆廠,明天輸到仆街,作為投資者或分析員,根本無法去預計。當年永菱通基金嘅掌舵人洪錦標,基金好大比重投資一隻買意馬,適逢意馬(0585)創作忍者龜動畫勁賺,洪錦標一戰成名,贏幾十倍,成為年度最佳基金經理。點知成也意馬,敗也意馬,公司重本投資一套動畫阿童木,點知票房大失利,股價插水,永菱通基金勁蝕。

廣告

投資者追求嘅係穩定回報,唔係要驚嚇,當然你係短炒就另計,但基金最重要做好風險管理,唔係去澳門賭大細,當碰上李斯特城嘅股票或基金,你可以做啲乜,我想都係三個字,「少沾手」。

發表意見

相關文章