2016/11/7

人大第五次釋法

2016/11/7

2016/6/16

林榮基勇敢說真相 爆中央拘押手段

2016/6/16

2016/12/2

政府入稟覆核四議員資格

2016/12/2

2016/12/6

申訴專員指政府阻網媒採訪投訴成立

2016/12/6

只需每月贊助$200

守護言論與新聞自由

立場新聞,寸步不退

守護言論與新聞自由。立場新聞,寸步不退

每月贊助$200,支持立場新聞

7
立場新聞 Stand News

按揭證券公共年金  搶你棺材本 進貢共產中國

2017/4/19 — 16:14

【文:球三】

即使盲毛都唔緊要,其實投資得一條法則:金融地產佬話好吸引的,就肯定呃錢。你諗下佢地返工為乜?梗係為錢,唔通為興趣咩。只有一些佢地唔力推又唔趕客的投資,例如樓宇按揭(不是樓宇本體)或平均法投資大國經濟指數(例如每月固定金額購入杜瓊斯指數全數成份股),才是真正適合大眾的融資或投資方法。

此理亦適用於按揭證券剛推銷的公共年金。先說結論:公共年金,是搶你棺材本,去進貢共產中國的計劃。倘若推行,政府工加官進爵,金融佬過水濕腳,社工代理聖約,剩低老野窮到無錢食藥。不論用心好壞,結局必然如此。

廣告

且看一干人等如何設計及推銷產品:按揭證券公共年金之下,65歲人一次過畀$1,000,000,就可每月攞返$5,800,直至終老,年回報有7%!嘩係咪好吸引呢?擺銀行年回報1%都無啊!

其實係詭詞,全部都係詭詞:

廣告

• 整個計劃,暫時觀察所得,其實全無保險條文。即是,除所謂內部回報率3-4%外,並無任何保證;

• 每月攞$5,800,係假設內部回報率為3-4%,並以平均人命約85歲計算(男約80,女約90,粗略估算);

• 所謂內部回報率,即是 internal rate of return (IRR),並非年回報率,其計法與按揭類似,網上有計算機的,開夠廿年欄位(65-85歲),輸入一筆過流出現金($1,000,000),並輸入每年流入現金($5,800 x 12),即可算出結果(3-4%);

• 看破詭詞之一:第一年每月$5,800,好似幾好,但第二十年每月$5,800,根據近十數年共產中國資金清洗、樓價通漲暴走之勢,二十年後的$5,800,只是今天的$1,000左右,但因為有年金資產,到時可能連社會保障金都無,真正食得屎;

• 看破詭詞之二:年金IRR,係當一筆過流出現金時鎖定。而鎖定的基準,係計算當時基金的營運狀況。故此IRR不一定可達3-4%,可能更低也不定,也可以年年唔同。即是你第一年每月甚至可能收唔足$5,800,也許只收$4,000;

• 看破詭詞之三:鎖定左IRR,就真係鎖左,不加不減。別忘記,今日睇3-4%是不錯回報,但這也有點因為近十數年長期低息。記得二三十年前,試過做定期係9-10%架!當然樓宇按揭也試過10%以上。另方面,十數年長期低息之後,加上美國侵叔的本土主義,加息絕不出奇。到時七八十歲老人家,望住隔籬做定期都有一成回報,自己卻得聊聊幾千,千萬別後悔;

• 看破詭詞之四:年金是未來基金的一部分!還記得未來基金嗎?那是政府歛財太多,無處可用,又心諗國民都是蠢貨唔識使錢,於是設立未來基金,將盈餘儲起,謂供未來之用,即包括養老。另方面,未來基金又是外匯基金的一部分。外匯基金主要係用來維持港幣對美金7.78的。而外匯基金的收入,係靠投資所得,過去一直的投資組合,多以債券為主,股票為副,即是穩中求勝。但近年藉詞投資失利,加入長期增值組合。

所謂長期增值,其實係有賭未為輸咁解,即是買些危險的投資,甚麼國家甚麼人都可以,當然包括毫無信用的共產中國啦。然後好彩贏錢就金融佬領功,不幸輸錢就聲稱蝕頭賺尾。大家熟悉的香港迪士尼、廣深港共溶高鐵、港豬噢大穚、機場小三跑道、雷神新空管,就是長期增值的例子。即是話,保障香港老人生活安定的年金,係分分鐘與漂移的港豬噢大穚同生共死的。係咪好刺激呢?

以上種種詭詞,實是稍為有金融知識的人,都會有所猜疑,卻偏偏所有相關政府工(或公職人員)、金融佬、社工(包括學者),都拍手歡呼,齊唱年金是義舉,平靚正云云。無他既,計劃成功推行,政府公職人員即可領功,幾年後就關人忍事,早已升職走左;金融佬又賺夠退休;社工學者更係舔左幾道光環,可以賣稿賣書上電視選政客去也,FB講句早晨都有十九幾萬LIKE,唔使好似我咁乞人憎。我也不是陰謀論,只是利字當頭,人性如此,尤其當香港人丟失國格和道德文化禮教之時。

也許大家做奴隸太久,早就忘了:保障人民生命安全、生活穩定,是政府的基本責任,唔係要個政府來做乜?誠然,當香港老人增加、年輕人減少,養老是難做的。那樣政府就鼓勵生育、泵錢畀年輕人多作嘗試,創造新產業、禁止共產中國每年送五萬五千個唔知乜人過來啊、同時拉少幾個年輕政治犯入冊啊!係難做架,唔難做,又使乜政府來做?

以下係參考文件。歡迎各路金融才俊指正:

明報報道:政府推終身年金 最高7厘   

明報報道:「賭長命」 過80歲回報方逾5%

明報報道:政府不保底 初始規模限100億免風險

晴報報道:按揭證券公司推終身年金 投百萬月收$5800

金管局:外匯基金前瞻篇──穩健進取、長期增值

財經事務及庫務局文件:未來基金

 

 

 

 

 

發表意見

相關文章