2016/11/7

人大第五次釋法

2016/11/7

2016/6/16

林榮基勇敢說真相 爆中央拘押手段

2016/6/16

2016/12/2

政府入稟覆核四議員資格

2016/12/2

2016/12/6

申訴專員指政府阻網媒採訪投訴成立

2016/12/6

只需每月贊助$200

守護言論與新聞自由

立場新聞,寸步不退

守護言論與新聞自由。立場新聞,寸步不退

每月贊助$200,支持立場新聞

7
立場新聞 Stand News

沙頭角呎價過萬 揾村長個女買

2017/4/30 — 10:50

(相:蘋果動新聞截圖)

(相:蘋果動新聞截圖)

遠東發展推出沙頭角個樓盤尚澄,呎價竟然過萬,一個唔夠六百呎單位開價千萬,最細單位入場費都要282萬,遠展銷售阿頭方俊仲話係「超值開心價」,你睇佢副嘴臉,好似明益你咁,潛台詞係「唔買你就走寶喇」。

先唔講萬蚊呎,你要買樓仲要有「沙頭角居民證」,否則有錢都冇用。至於點攞居民證,方俊只係話:「要經警務署批」,至於點先可以獲批,佢答得好似好有智慧:「呢個睇警務署,你去銀行借錢都未必借俾你,都要睇你入息證明。」

唔知係佢唔識定唔肯講,聽完佢講之後,你根本唔知點攞,賣成千萬層樓,連啲基本訊息都提供唔到,呢個售樓部阿頭炒得。

廣告

冇二手市場

沽勿論你點唔同意都好,買樓好大程度係睇有冇投資價值,如果話俾你聽香港樓價未來唔會升,怕且買樓人士大跌一半以上。咁呢個沙頭角樓盤究竟又有冇投資價值?答案係十分之有限。

廣告

首先,個盤只限賣俾持沙頭角居民證嘅人,倘若個居民證好多限制先攞到,換言之只限於沙頭角居民,咁邊度去搵二手市場?跟其它樓不一樣,任何人只要俾得起錢就買得,但尚澄要賣樓,只能賣俾小撮人士,即係轉售市場大大收窄,原本可以賣俾七百萬人嘅市場,現時只得一萬幾千人,咁你話幾難揾二手買家。

仲有呀,今時今日買樓人士中,大陸佬都舉足輕重,但佢哋又點攞沙頭角居民證,即係話冇咗一大批大陸購買力。二手市場咁狹窄,你話升值潛力有幾大?

難搵租客

好喇,買樓投資除咗資產升值外,都考慮將物業出租賺取穩定收入,但一般租樓人士都係要求方便,尚澄不單止偏遠,簡直可以講偏僻,出入又要居民證,你話要搵人租真係唔容易,有幸搵到個租客,租金唔慌高,咁你話投資回報化唔化算?

其實以萬蚊呎價,喺元朗、屯門或粉嶺都有好多選擇,尚澄有咁多限制,有錢都唔好買。記得以前有句話叫做「沙頭角村長個女李愛」,點解?即係「搵你要囉」。

發表意見

相關文章