2016/11/7

人大第五次釋法

2016/11/7

2016/6/16

林榮基勇敢說真相 爆中央拘押手段

2016/6/16

2016/12/2

政府入稟覆核四議員資格

2016/12/2

2016/12/6

申訴專員指政府阻網媒採訪投訴成立

2016/12/6

只需每月贊助$200

守護言論與新聞自由

立場新聞,寸步不退

守護言論與新聞自由。立場新聞,寸步不退

每月贊助$200,支持立場新聞

7
立場新聞 Stand News

2017:不買樓、不買債、不買Reits

2017/1/1 — 10:57

圖片來源:香港城市大學網站

圖片來源:香港城市大學網站

2016年話咁快就過,睇返呢年投資市場,年初人人睇淡樓價,結果年中後創新高;大家話脫歐事件係黑天鵝,點知恒指連升3千點,老散要賺到錢真係寥寥可數,有時好似老友話,唔炒嘢唔投資就賺錢,聽落又不無道理。

即使大家要投資,Loser認為今年有幾樣嘢都係少掂為妙,首先梗係樓喇,雖然樓價由03年到現在升足13年,期間大漲小回,大家都認為樓係唔會跌,甚至有大堆理由去支持:「啟德塊地拍咗天價,未來樓價梗係上升」,「大陸人要走資,嚟香港買樓,樓價點會跌」。

買樓值博率低

廣告

究竟有幾多大陸人嚟買香港樓,根本冇一明確數字?即使有唔少人走資香港買樓,能否維持幾耐,又係一個問題,早前阿爺就出招限制大陸人到港買保險,你唔擔保樓會有相同遭遇。

辜勿論點,Loser要指出,樓價升到現水平,再升機會唔係話冇,但上望空間有幾多?美國研究機構Demographia 2016年初統計,以當時樓價跟市民平均工資計算,港人不吃不喝也要十九年先供甩層樓。現時樓價再升少少,年期肯定更長,而今年特朗普上場,美國經濟又逐漸向好,加息將成趨勢;甚至連阿爺都開口話大陸經濟增長唔一定堅守6.5%,即係話對內地經濟有保留,咁多不利樓價因素,何解要冒險入市?投資講求值博率,無必要喺高峰入場。

廣告

早前長實(1113)斥資76億向長和(0001)購入飛機租賃公司,就係因為佢哋對樓市有保留,唔將資金投放晒喺地產市場,反而要搵其它穩定回報項目,你就知連李嘉誠亦睇唔好個樓市。(雖然超人去年初睇錯市,話香港衰過沙士,但佢多年來嘅眼光仍然好有參考價值)

投資要站在強勢一方

樓之外,債市都係要少沾手,正如上面講,美國政治經濟情況已改變,債價開始受壓,債市黃金期一去不返。要明白投資須站在強勢一方,冇必要喺利息開始加速上升時,走入去坐艇。

最後就係唔好買地產投資信託基金(Reits),既然息口趨升,呢啲收息產品梗係要小心,你話Reits有4、5厘息喎,但要諗諗,息口再加,市場會拋售收息產品,你諗諗Reits價格跌少少,乜息都補唔返。再者中國經濟放慢板,自由行減少,商舖同酒店會繼續受壓,今日收5厘息,倘收入減少,明年就唔係5厘喇,你話靠收租派息嘅Reits又點會有運行。

發表意見

相關文章