2016/11/7

人大第五次釋法

2016/11/7

2016/6/16

林榮基勇敢說真相 爆中央拘押手段

2016/6/16

2016/12/2

政府入稟覆核四議員資格

2016/12/2

2016/12/6

申訴專員指政府阻網媒採訪投訴成立

2016/12/6

只需每月贊助$200

守護言論與新聞自由

立場新聞,寸步不退

守護言論與新聞自由。立場新聞,寸步不退

每月贊助$200,支持立場新聞

7
立場新聞 Stand News

英國脫歐公投:投票後小記

2016/6/24 — 0:14

Wikipedia CC-2.0

Wikipedia CC-2.0

是咁的,小弟今年係英國讀書,咁啱撞上呢個決定英國留唔留係歐盟嘅公投,就投咗一票啦。去留嘅論據同論點一匹布咁長,唔係呢度詳細討論啦;我想講嘅,係對參與民主過程嘅少少感想而已。

我覺得 J. K. Rowling 講得好啱:去留雙方都係到「製造怪獸」,意圖激發選民心裡面一啲好原始嘅恐懼。去方嘅主打觀點係,作為歐盟嘅成員英國會被移民掩蓋,無論係來自歐洲嘅抑或係中東戰區嘅難民。英國獨立黨黨魁 Nigel Farage 最近嘅支持脫歐廣告,就將呢啲觀點畫到出腸,話英國要重奪主權、控制移民政策。政府無法達到自己設定嘅移民數量限制(一年最多凈入十萬人),亦係被追打嘅一點

(雖然話,去方政客不斷强調英國有能力獨立自強、同各國重新建立貿易關係 -前倫敦市長 Boris Johnson 甚至係 BBC 上大大聲話 23/6 可以係英國嘅 “independence day” - 但查實美國、加拿大甚至中國都想英國留係歐盟。所以我認為 Johnson 呢啲正向聲音似口號多過事實,明眼人係唔需要理會嘅。)

廣告

而首相卡梅倫代表的留方就話,離開咗歐盟之後英國會損失 XYZ 磅嘅資助,尤其是係農業同基建方面;而離開咗歐盟之後,英國會好難打入呢個佔現時出口總值 50% 嘅市場。當然,最貼地嘅警告都係呢個:有工會話,脫歐之後每星期嘅平均薪金會下降 38 磅總言之,留方打嘅燧「經濟衰退牌」,而結果就被去方指責話「對國家冇信心」、「悲觀主義者」同埋「靠嚇」。

作為一粒無法掌握所有事實嘅小薯仔,我只係覺得失望啫。雙方都有掌握媒體宣傳機會嘅要員(例如支持去留嘅內閣成員就各佔一半),大可對更多嘅議題同灰色地帶作出討論。例如話,住係英國嘅近百萬個英聯邦公民 - 例如加拿大、澳洲同巴基斯坦人 - 都有機會參與公投,但偏偏就冇人深入探討過佢哋會點樣被影響。又例如話,脫歐後對科技同科學發展有會有咩影響呢?我自己係愛丁堡讀書,見到唔少教員同同學都係歐陸人,funding 都係歐盟層面比嘅;少啲呢類人同筆錢又會點呢?無人講過!而「缺乏討論」嘅感覺唔止係我一個後生有

廣告

英國都算係成熟嘅民主社會,但共同討論嘅質素都係參差;大家都係偏重打情感牌,而理性就付之闕如(尤其係脫歐派,因為英國由始至終都控制住難民審查,跟歐盟係冇關嘅)。好彩有學者 set up online course 同埋媒體人做 fact check ,唔係嘅話真係「盲中中」唔知點投票好。水能載舟,亦能覆舟;資訊同想法自由流通係公共辯論嘅基礎,但參與嘅人冇料到嘅話,咁言論自由下發生嘅就只係發洩、圍爐取暖,並無助一個社群達到共識同埋 common good。更甚者會變咗強權嘅幫兇;每次我食薑蓉撈雞嘅時候,都會記起呢一點。

成日都有人話,中國點樣未預備好採用民主政制(下刪一千字)。係嘅,成功嘅民主門檻係幾高嘅,不過呢個唔係唔比人參與決定自己命運嘅借口。更有建設性嘅,倒不如諗下點樣裝備自己同身邊嘅人,係呢個資訊爆棚嘅年代做公共決定啦。例如,端傳媒呢個 page 就以地圖形式整合咗各國對英國脫歐嘅睇法;科技人同科學人,其實可以係社會有更大嘅角色。

小小睇法,就係咁先啦。

Everest 嘅 Facebook Page

原文刊於作者博客

發表意見

相關文章