2016/11/7

人大第五次釋法

2016/11/7

2016/6/16

林榮基勇敢說真相 爆中央拘押手段

2016/6/16

2016/12/2

政府入稟覆核四議員資格

2016/12/2

2016/12/6

申訴專員指政府阻網媒採訪投訴成立

2016/12/6

只需每月贊助$200

守護言論與新聞自由

立場新聞,寸步不退

守護言論與新聞自由。立場新聞,寸步不退

每月贊助$200,支持立場新聞

7
立場新聞 Stand News

講法國都有辱警罪? 唔好講啲唔講啲!

2017/2/24 — 15:36

圖片來源:港人講地fb 截圖

圖片來源:港人講地fb 截圖

【文:Rachel Wong】

真係要俾少少耐性。

頭先睇見某個 Page post 咗呢張圖,令我覺得十分之尷尬  😅 我喺法國都差唔多三年,以我嘅認知,唔好講話 Nice 或者 Marseille(運毒口岸,2016 成年有 29 個道友被當街槍殺,都未知「暗瓦底」死咗幾多個),齋講巴黎(入邊所講嘅典型浪漫城市),巴黎內圍總共有 16 個區,我都未數外圍。16 個區入面有 20% - 30% 嘅地方連警察都唔敢管(唔係唔想管係唔到佢地管,太惡搞唔掂),都莫講話辱警罪  😂 毒梟、非法持槍、道友同你講得出嘅犯罪活動,你都搵得到。

廣告

條辱警法例係有,但有幾多人因為呢條法例入去坐?可能數埋都有幾單嘅,入去坐一、兩個鐘出番嚟囉,錢唔使罰、案底唔使留,即係可能我講句屌你老母入去坐一個鐘,出番嚟乜事都無咁囉。

廣告

都費事比人話我咁講即係話法國犯罪率低,法國就係太多人犯案被判刑,所以現有嘅監獄都已經坐爆,今日確認咗會新增多 32 個監倉向犯法嘅人揮手。

順帶一提,喺法國警察遊行或上街都係犯法㗎 Hi  👋 

邊個 Post 呢張圖同搵呢條例嗰個真係抵比人屌,法例淨係識得搵,真正係法國咩環境乜九都唔知,衝出嚟柒!仲有呀,呢邊啲警察無香港咁好福利,人工又低。不過呢個唔係重點,重點係即使佢地係警察佢地都無權打橫行,有咩都係法律解決!

如果要立辱警罪,咁唔該立埋辱醫護罪、辱服務員罪.etc ,立比同樣服務社會同大眾嘅行業,唔係得警察有份服務社會,要做就一齊做,大把工都帶齊哂老豆老母甚至全家大細番工,唔好分大唔分細。

法國有例做證,就隔離飯香,呢個時候就唔提外國勢力

要比較就比較埋啲新聞,唔好講啲唔講啲。

法國警打黑人觸暴動

最近係巴黎有單新聞好多人關注,同七警案差唔多又係幾個對一個。話說有4 個警察係街上面捉咗個黑人話要搜身,先推佢埋牆搜身,搜完乜都無就故意為難佢,開始郁手郁腳。個黑人就醒水,掙扎到有鏡頭嘅地方先比佢地打,結果個鏡頭就影到一個警察逼佢瞓係地下,另一個用警棍桶佢肛門,然後再逼佢坐低,痛到佢當場尖叫同淚流滿面。

啲警察仲不停恥笑佢,仲話家下佢個籮友一定好和味。然後先拉佢上警車,要佢坐低仲影佢性器官加籮友,揚言要放上社交網站。直到警車到差館個黑人頂唔順暈咁制,啲警察先 Call 救護車,救護員一睇就話個黑人要即時送去醫院做手術。

因為呢件事引發起咗一場暴動,案發嗰一區有大量市民燒私家車同巴士(你無睇錯係巴士!)、燒車軚、店鋪呀等等,成個區好似淪陷咁,點解呀?因為市民對警察使用暴力十分不滿,而且覺得呢個黑人所發生嘅事只係冰山一角⋯要求政府正視,最後要出動到法國總統去醫院探個黑人嘗試去平息,而嗰幾個警察亦會被起訴。

 

PS: 場暴動由 12/02/2017 直到今時今日,有興趣可以上網搵相關資料嚟睇。

相比起七警案,香港人已經叫好有耐性咁等兩年個官去判,起碼唔會同你嚟咩暴動呀燒乜燒物。警察做錯都要接受法律制裁,唔理你係洩憤、歧視、濫權乜都好,錯就係錯。如果要講個官有無偏向邊個立場,咁我想問個法國總統去探個受害者係咪即係企個受害者嗰邊?咁打受害者嗰啲警察係咪會判無期徒刑?

(參考)( 有 Link 有計傾,廢事話我九 up )

又要拉人埋暗角打,罰你又怨判得重,又嗌要特首特赦、又搞埋啲咩集會,講埋啲咩黑社會都係搵一個人頂罪、又高呼屌你老母又拉埋猶太人落水,放高個枕頭諗下自己係咪雙重標準啦。依家唔係叫你判後檢討,係你打之前就應該諗定後果啦,明知故犯!原告變被告。

 

(作者自我簡介:喺兩傘運動發生前一年,去咗法國讀書,差唔多有三年時間,所以有經常留意法國嘅新聞,亦有睇見唔少係香港嘅「上火」新聞。持香港身分證,三粒星。係咁多。)

作者 facebook

發表意見

相關文章