立場新聞 Stand News

【X場新聞】松井石根:南京大屠殺你哋幾多歲?

2017/10/31 — 21:49

前日本皇軍大將松井石根

前日本皇軍大將松井石根

[X場新聞] 針對近日再起的教科書爭議,本報嘗試電話訪問這方面的權威人士,前日本皇軍大將松井石根的看法。當電話接通,記者表示想詢問教科書內容應否包括南京大屠殺時,電話另一邊的松井立即打斷問道:「你講多次你邊間報館既?朝日定赤旗?定你其實係日教組既?咁關心教科書做乜?關你咩事?南京大屠殺 (編按:松井的實際用詞為「南京攻略」) 你哋幾多歲?」

松井繼續連珠炮發:「二次大戰 (編按:松井的實際用詞為「大東亞戰爭」) 咁多場戰役,做乜係要提南京大屠殺咁雞毛蒜皮既事?你話死幾多人話?就算當你地中國 (編按:松井的實際用詞為「XX」) 講既30萬係真,成場二次大戰死左過千萬人,30萬係一個零頭之嘛,何況南京大屠殺根本冇死咁多人。大把野更加值得學啦,中國後來響共產黨統治下死仲多人啦係咪?你地有冇教呀?」

「一日最衰都係日教組班死左膠,成日投訴教依樣教果樣,又話咩言論同思想自由,奏國歌時又肯唔起立,又唔肯唱,教壞晒依家的細路。你不如關心依D啦,點解唔做個報道講下日本國旗國歌法幾失敗呀,都迫唔到D人尊重國旗國歌,迫唔到人起立同齊唱。」當記者嘗試再發言,松井又說:「冇你咁得閒呀,係咁先!」就掛掉電話了。

廣告

注:朝日新聞為左傾的日本報章,赤旗是日本共產黨黨報,日教組即日本教協。

 

廣告

作者博客

發表意見