立場新聞 Stand News

《今日薯條睇真D》 — 第五十集

2017/10/11 — 10:17

去到第五十集,自然要去啤一啤賀一賀佢!當然啦,飲得啤酒又點可以無薯條呢?今次薯毛毛就專程入左大坑,去食大坑薯條!

呢份大坑薯條確實係非常特別,用瓦兜裝住真係未見過!而且,薯條個份量夠多,其實已經好搶眼!薯毛毛覺得最有心思係佢地個醬汁同調味配菜上面,因為用上孜然、蒿菜同乾椒做調味,平時比較少接觸呢啲野,但食落又幾夾,真係諗都無諗過,至於個醬就係用左蛋黃醬打底,之後係有加其他野,完全食得出係自家製,真係會令人一條接一條咁食!但係,薯毛毛覺得相對可惜係薯條比較軟身,食到底個陣已經Feel到開始凍。不過,由於調味同醬汁實在好出色,真係會令人係咁食呀!

廣告

評分:

廣告

薯條Size🍟:幼薯條

價錢💰:$68

賣相📷:5/5(用瓦兜裝住真係無諗過,剩係呢點已經好搶鏡,加埋薯條個份量係堆滿哂,絕對好夠吸引力呀!)

薯條質素🌟:4/5(薯條相對黎講失色左啲,因為比較軟身,同埋食到落底個陣開始凍左。不過,由於個醬同調味太好味,都係會令人不斷咁食)

醬汁/調味🍯:5/5(非常有心思!用孜然、蒿菜同乾椒真係幾令人意外,但又幾夾個下先令人佩服!至於個醬就明顯係自家製,非常好味!)

性價比💸:4.5/5(呢個價錢但食到咁有創意嘅薯條,絕對值得啦!)

總分💯:18.5/20

選擇性質:Happy Hour好選擇!

如果你係飲開手工啤嘅朋友,即使開係大坑都好,都知道呢間酒吧係非常旺場,成日都Full House,所以要去嘅朋友最好就早啲去Book定啦!薯毛毛想再去幫襯都唔知幾時有機會啦!嗚……今集就講到呢度先!下集繼續返日本食薯條!拜拜!

酒吧:Second Draft

地址:大坑銅鑼灣道98號地舖

想睇返之前嘅推介?Click呢度啦:https://goo.gl/g9WbF3

 

發表意見