立場新聞 Stand News

明愛暗戀補習社

2017/11/13 — 6:24

Twins 〈明愛暗戀補習社〉MV 截圖

Twins 〈明愛暗戀補習社〉MV 截圖

【文:阿臣 @全民教育局 HKEd4All】

阿臣對於當時響「樂壇」紅極一時嘅Twins無法理解,不過今日阿臣想講嘅係學校嘅戀事。

慧妍係學校之中一名普通到唔普通嘅女生,對住同性同學,慧妍都幾開朗,亦都相當關心同學,但係對住男仔,始終都係青春期,就真係有啲啲…怕羞嘅。

廣告

至於同班嘅男仔,陽光大男孩唔多,始終男仔嘅成熟期嚟得更加遲,好多都仲係好「細路仔」,有一兩個第日大個啲都有機會「驚為天人」,但同時亦有一堆就好似阿臣咁其貌不揚。

講返慧妍,佢仰慕一位男生,而男生就係有啲不羈味,脾氣又有少少古怪嘅。可能我哋都唔係好明白男女係點樣互相吸引,但聽聞慧妍都暗戀咗呢個男仔一段唔短嘅時間。

廣告

直到有一日,有同學收到風話慧妍同個男同學一齊咗,阿臣響教員室大叫「噢賣桔」,因為我先咁(唔)好彩地將佢哋編埋咗(隔住條巷)一齊坐,而且個座位表仲要結合咗多位科任老師嘅心血而成。To be or not to be, that is the question.

過咗無耐,個男主角(哎,唔記得介紹佢叫阿雲)開始問我有關同異性相處嘅事,阿雲係典型嘅philosophical,咩都諗一餐,但係就係諗唔明到底女仔係咩生物。

呢對戀人都有被老師們撞過唔少次,有啲老師非常「嚴厲」,政策基本上就係棒打;有啲就好似明白一啲,基本上以勸導為主,當然亦都告誡小情人相處嘅界線。

去到最後,呢段戀情亦都終結咗。小情人沒有開花結果也許可惜,但更重要的是小情人學懂得怎樣與significant other,還有自己相處。

「中學生不應談戀愛」其實是偽命題,因為重點並非在於其應然性,而是其「能力」、「容量」,而,這些,是,可以,改變的。



(完)

發表意見