立場新聞 Stand News

【絕世筍工?】《紐時》出糧俾你環遊世界 一年去勻52個必遊地方

2017/10/25 — 17:17

繼澳洲的「大堡礁保育員」之後,再有「筍工」招聘中,今次仲要係有人打本請你環遊世界。唔係講笑㗎!資方係美國嘅《紐約時報》,心動未?

《紐約時報》每年都會推介「最值得去的52個地方」,今年也不例外。例外的是,他們更會聘請一個旅行家,用一年時間將這個清單實踐出來。這 52 個精選地方包括:智利的阿他加馬沙漠、印度的阿格拉(Agra)、瑞士的策馬特雪山(Zermatt)、克羅地亞的杜伯尼克海岸(Dubrovnik),還有以美食聞名的墨西哥蒂華納(Tijuana)...... 上山下海,文青吃貨咩類型嘅地方都有,多到不能盡錄,諗起都開心!

有冇咁筍呀?唔信?招聘廣告都已經出埋,寫明請一個記者,合約期是 2018 全年。該職位需要到訪清單上的 52 個地方,記寫當地新奇有趣的故事,以及沿路的風光。認真計落,一年內去足 52 個地方,即是一個星期轉一次地點,其實都唔係咁簡單!所以《紐時》話理想人選最好係生活的「終身學生」,或者是世界的「精明紀錄者」,能夠快快脆感受到一個地方嘅精粹,而又寫到出嚟嘅話,《紐時》都歡迎你!

廣告

好想報係咪?《紐時》開出五大要求,快啲嚟對吓先:

1. 去過好幾個唔同嘅地方
2. 曾經寫過旅遊嘅文章(社交媒體嘅發佈都計)
3. 用慣用熟社交媒體
4. 擁有傳媒工作經驗
5. 2018 年可以做足一年

廣告

嘩!唔少香港人都合資格喎!咁就要快手喇,截止報名日期係今個月 31 號~心動不如行動,我哋有同事都報咗喇,你呢?

PS. 提提你,要在《紐時》寫文,英文流利是必須的。

發表意見