立場新聞 Stand News

談判嘅套路,其實來來去去都係咁

2018/5/29 — 16:33

資料圖片,圖片來源:《賭場風雲》片段截圖

資料圖片,圖片來源:《賭場風雲》片段截圖

談判嘅時候,你有幾需要對家嘅幫助才能夠生存,就正正代表住你有幾多談判籌碼喺手。最簡單嘅談判策略,係讓對手相信,冇咗我照顧你,你就死梗嘞。事實係咪咁其實並唔重要,重要嘅係,你真係「以為」係咁就得嘞。只要 convince 到你「以為」係咁,你在談判桌上就唔駛旨意有得翻身,必輸無疑。往後亦只能接受更多踐踏尊嚴嘅條款,過更冇尊嚴嘅生活。

所以認清自己點樣先會「真係死得」,係談判上好重要嘅一環。對家會嘗試盡量矮化你,等你覺得自己死得好易;而人性普遍抗拒改變,談判嘅對家如果夠老手的話,亦會嘗試放大「偏離日常」嘅可怕,將「安逸」變成你輸身家之後嘅唯一安慰獎。

談判嘅嘢,其實來來去去套路都係咁。輸家之所以會輸,往往唔係因為唔夠料,而係唔知道,自己個袋到底有幾多籌碼…又或者,被有心人刻意誤導,以為自己個袋嘅籌碼,真係得咁少。

廣告

 

#見到水塘話唔夠水突然諗起嘅無聊嘢

廣告

(標題為編輯所擬,原刊於作者 Facebook

發表意見