立場新聞 Stand News

關於「跟車太貼」

2017/4/25 — 17:52

想講好耐,轉載了新聞,事後新聞有更新,而被指「跟車太貼」、「衰咗」,這種事,久不久會發生,但我唔覺得問題有幾大,也不覺得自己有咩「衰咗」、「跟車太貼」:

1. 大家轉載的不是內容農場,是幾份大傳媒的報告,包括HK01、蘋果和東方,三份報章對內情的報道大同小異(查實我轉載時,已看晒三個報道)。

廣告

2. 尋求真相是記者的天職,我諗呢個大部分傳媒工作者都知道,也是一份報紙的公信力之源。當有三份有影響力的報紙作出相似報道時,本身已非常值得相信,而事實上內情也沒有甚麼離奇之處,轉載加評論實屬正常不過之事。

3. 追查真相在正常情況下不是讀者的責任,這個社會不可能寄望讀者質疑每一段新聞,然後每一段都再去求證,咁其實要記者同編輯做乜?

廣告

4. 正如今日牛角老闆出來講返件事,喂,其實你點知係真?你有冇100%查證過?我今日先知牛角老闆係窮富翁大作戰嗰個,一向有玩social media,而佢今日又推出咗「AA祭套餐」,會唔會個事實係有所修改,遷就佢呢個抽水推銷大計呢?我其實冇咁諗,但你點排除呢個可能性?你唔求真點解走去forward?

5. 但話就咁話,我都不會苛責今日的傳媒工作者。因為我知道他們薪低、工作量大,在為求hit rate為先真相為後的今天,他們的境況苦不堪言。可是,我們不去苛責記者,為何其他人(自以為永遠都「眾人皆醉我獨醒」那些)卻來指責或嘲諷轉載的人呢?最重要是,轉載的人不是起咗人底,轉載兩人的私人資料,只是轉載新聞並加以評論。如果你因而起人底,則另當別論。

教育公眾去分辨真偽係好的,但為咗那少數報道可能不實(但記者可能在當刻已盡力求真)的新聞而拒絕share和評論,這是「公眾充權」嗎?這是因噎廢食吧。

 

(標題為編輯所擬;原刊於作者 facebook

發表意見