立場新聞 Stand News

【鳩嗚新膠度?】劉慧卿玫瑰紙尿褲 登陸日本樂天市場

2018/2/21 — 14:24

圖片來源:日本樂天市場網站截圖

圖片來源:日本樂天市場網站截圖

劉慧卿玫瑰紙尿褲!
劉慧卿辦公室涼鞋!
珍珠劉慧卿搪瓷玻璃蓋手鍋......

卿姐卿姐,你幾時搞咗個百貨品牌,仲要全部喺日本最大網購平台樂天市場(Rakuten)有得賣嘅?

等等,「估你唔到劉慧卿」已經唔係第一次出現!早在 2013 年,有個外國大隻佬懷疑利用 Google 翻譯 Emily 的中文名,釀成手臂錯紋「劉慧卿」的悲劇。由日本樂天市場的中文界面,轉去英文版本,神奇的事再次發生--上述產品的英文名稱均含有「Emily」一字,而且錯譯的慘案不只三個。

廣告

在搜索欄中鍵入「劉慧卿」,發現「以卿姐命名」的產品多達 218 項,甚至名牌 LV 的銀包都無一倖免--例如「long wallet wallet Emily」變成「長錢包錢包-劉慧卿」、「men's women's Damier wallet-Emily」變成「零錢包和男裝女裝雙色格子錢包-劉慧卿」。

重要的事情講三次都不算少,我們不嫌其煩再次提醒各位:在 Google 翻譯鍵入「Emily」,要求譯成中文時,芸芸翻譯選項中,「艾米莉」、「艾米麗」、「埃米莉」以外,第四個翻譯建議就是「劉慧卿」啊!唔知今次日本樂天市場係咪又係因為咁中招呢?其實 Priscilla 呢,Google 的翻譯選項中都有「梁美芬」,但我們暫時在樂天的網上平台未發現「梁美芬」相關的商品,希望悲劇唔好一再重複啦~

廣告

又或者,卿姐會唔會將錯就錯,考慮開返間「劉慧卿百貨」呢?

發表意見