立場新聞 Stand News

【一地兩檢】讚朱凱廸「有層次有啲point」 何君堯:可惜投錯胎 以為自己係日本人

2017/11/5 — 13:56

立法會周四辯論高鐵「一地兩檢」無約束力議案,議員朱凱廸祭出「奇招」,首次動用議事規則第88(1)條,要求新聞界及公眾人士離開會議廳,最後導致主席宣布休會。議員何君堯於facebook直播時,讚朱凱廸勤力、「有層次有啲point」,不過可惜「投胎時候投錯咗,佢可能以為自己係日本人」。

何君堯在上周四及昨晚於fb直播,均有談及朱凱廸,首先讚對方勤力、「有層次有啲point」,不過「用錯地方,偏執咗」,「投胎時候投錯咗,佢可能以為自己係日本人,或者是在港英colony好耐,唔覺得回歸返去中國係值得驕傲嘅事情」。「回歸後心裡面未能平衡得到,以為祖國是敵國」。

他又指朱凱廸給他的感覺,是用「螳臂」、「朱臂」,在高鐵路軌上擋著高鐵駛過來,這思維十分可惜。「若朱將思維放去正確的立場去服務,可能自己會有更大的得著、香港會好受惠、國家亦感欣慰,不過依家佢企錯位、諗錯嘢」。

廣告

他又呼籲,立法會主席及秘書處兩周後要洗心革面,「要趕邊條友走一定要做到,攞吊臂又好,鏟泥車又好,Robocop又好......」他又舉例,「教寵物及蓄生,都要賞罰分明,落咗order,如果要佢sit唔sit,就唔好餵餅佢食。」

他昨晚fb直播又提到朱凱廸,指「佢係戇居、最nasty,用呢啲最drastic,超乎現實,不負責任,妄顧公眾利益行為,違反基本法宣誓精神。」「你根本無理由抗拒一地兩檢,違反整體香港利益。」

廣告

發表意見