立場新聞 Stand News

中共放劉霞係人道主義?What the?

2018/7/11 — 14:29

林鄭對傳媒話:劉霞可以出國係人道主義表現。

佢係咪講西方國家要求中共放劉霞係人道主義表現?當然唔係。佢係講緊佢嘅官人習近平。

軟禁一個冇被拘捕、冇被定罪嘅異見者妻子差唔多十年,搞到人精神崩潰,然後放人叫做人道主義?

廣告

不如試下咁樣軟禁你個小米仔仔十年,搞到佢精神崩潰,然後先至放佢好唔好?咁叫唔叫人道主義?

中共係咪良心發現?當然唔係,佢哋呢幾個月俾美國迫到將軍冇棋,李克強去德國要扮死狗咁求助,所以先至要放劉霞改善世界惡霸形象。

廣告

林鄭月娥其實唔拍呢個馬屁係唔會死,但佢就係要拍。佢係已經由 AO 變種成日日拍馬屁嘅中共女幹部,呢個人已經冇咗人性,大家唔好對佢有期望。

 

原刊於作者 Medium

發表意見