立場新聞 Stand News

周博賢供歌予網民集體「侵權」 以行動對抗網絡廿三條

2015/12/4 — 16:34

立法會下周三恢復二讀表決被形容為「網絡23條」的《2014版權(修訂)條例草案》,明確反對條例的創作人周博賢,今日在Facebook分享一首他為反對有關條例而創作、未完成的歌曲作品,呼籲網民加入共同完成,「俾有興趣嘅網友/巴打/絲打填吓,甚至可以唱埋、錄埋、整埋 MV 都仲得。」完成後一起分享。

周博賢在Facebook表示,這首歌在2012年條例草案出台時,已經創作,但後來拉倒重新諮詢,所以不了了之。如今重新拿出來與網民分享,強調「我唔同意別人填上歌詞」,他認為這樣才可以體驗版權條例的「威力」。

因為條例給予戲仿、諷刺、滑稽、模仿或評論時事等元素豁免權,所以「邊個填咗、但又唔喺戲仿、滑稽、時事評論等嘅話,就係侵權,邊個將新填嘅作品share出去,就係『傳播』侵權物品,而且可能會傷害到我嘅經濟利益,所以『傳播』嗰啲都喺新例下有負上刑責嘅危險。」

廣告

周博賢Facebook帖文全文:

我有一個「版權(修訂)條例」嘅 folder,發現其實 2012 嗰陣寫咗首叫 "Re-creation" 嘅 demo,諗住喺反網絡廿三條時用,後來拉倒重新諮詢,所以不了了之。

依家二讀將至,我諗隻 demo 可以攞返出嚟,俾有興趣嘅網友/巴打/絲打填吓,甚至可以唱埋、錄埋、整埋 MV 都仲得。

不過,個 demo 仲未完成,仲差一段 music break 同 final chorus。我希望呢個weekend 有時間整埋佢,到時再 update 個完整嘅 MMO。

幾年前急急整嘅 demo,有啲衰聲,而且仲係我唱,難聽就梗㗎喇;戴定頭盔先......

下面條 link 可搵到 demo 嘅 MMM 同 MMO,有興趣可以玩吓,填完 post 返上嚟大家分享。

不過為咗預先體驗一吓新例嘅威力,我必須喺度話「我唔同意別人填上歌詞」,因為咁樣,邊個填咗、但又唔喺戲仿、滑稽、時事評論等嘅話,就係侵權,邊個將新填嘅作品 share 出去,就係「傳播」侵權物品,而且可能會傷害到我嘅經濟利益,所以「傳播」嗰啲都喺新例下有負上刑責嘅危險。

要玩,就依家玩喇......

https://dl.dropboxusercontent.com/u/12633143/Re-creation%20Demo%20M%26O.zip

廣告

圖片來源:周博賢Facebook

圖片來源:周博賢Facebook

發表意見