立場新聞 Stand News

建制派在意識形態輿論及文化政治場域 其實已打敗了民主派

2018/3/13 — 17:43

3.11 立法會補選日下午,鄭泳舜與食物及衞生局前局長、骨科醫生高永文一同拉票 l 鄭泳舜 Vincent Cheng facebook 短片截圖

3.11 立法會補選日下午,鄭泳舜與食物及衞生局前局長、骨科醫生高永文一同拉票 l 鄭泳舜 Vincent Cheng facebook 短片截圖

現在我們面對的總體問題,是民主派的支持者比例萎縮,建制派的比例即慢慢上升,這個是宏觀的發展趨勢。

這個發展趨勢,除了一直所說的地區工作做得夠不夠之外,我認為是由於建制派的文化政治工程其實係做得越嚟越出色,喺意識形態輿論及文化政治的場域其實已經打敗了民主派。

過去大半年我keep觀察收集關於鄭泳舜的宣傳,單從民建聯幫她的宣傳其實就已經可以見到佢哋點樣運用出色嘅文化策略去打。

廣告

搵深水埗明哥去塑造基層形象,搵不同的明星去幫佢提高大眾的中間知名度,本身佢亦都係一個年青有活力嘅小生,而佢嘅「分秒必爭」亦都係種種暗示香港要搞好經濟發展搞好民生的政治暗示。

撞正一地兩檢這基本上已經開始是由建制掌握民意的議題,同時又可以將香港的經濟發展及祖國強大起來的自豪感連接上來。

廣告

團結、強大、發展、年青、開創香港未來、背靠祖國,這通通的潛藏政治意識與一些抱現實主義的香港人心態其實已經很吻合。所以民建聯建制派要鞏固本身的票源,根本已經冇乜難度。

都唔使講其實現在主流新聞日日喺度播組祖國如何強大,我們應該如何配合祖國的經濟發展去變成世紀大國。這其實已經收買咗好多淺藍以及中間派的民心。好多中間偏藍的市民其實開始share 個種祖國強大的自信。

撇除hardcore 支唔支持民主的問題外,民主派就像社會政治發展藍圖雖然有說法,但沒有資源上的條件做這類政治宣傳及政治實踐,根本無法將自己的社會藍圖變成一個社會共識。長遠中間市民都會對民主派有點摸不着的感覺。

 

標題由編輯所擬;原刊於作者 facebook

發表意見