立場新聞 Stand News

批曾蔭權「走精面」 葉劉稱當年知其做特首即回流「救香港」

2016/6/28 — 12:36

曾任保安局局長的行會成員、立法會議員葉劉淑儀,接受商台節目訪問時,形容前特首曾蔭權是「醒目香港仔」,直言覺得他不適合做特首,因為一國兩制難以實施,不能單靠「走精面」實行。她更指,當年因聽到曾蔭權當上特首,在外國進修後的她覺得「唔會吓嘛,點可能?」便立即回港「救香港」。

葉劉淑儀在今早播出的商台節目《雲常開》中,表示2003年廿三條一役後到外國進修的她,2006年回港的最主要原因,是聽到曾蔭權當上特首,認為「對香港好大傷害」,因此要「返去救香港,為香港做啲嘢」。她指,事後證明曾蔭權7年來對香港沒甚麼作為,更捲入貪腐醜聞。

她形容曾蔭權為「醒目香港仔」,直言覺得他不適合做特首,原因是他不會看長遠、廣闊的利益、最大的公共利益:

廣告

「醒目仔嘅意思即係點呢,呢個世界好多醒目仔,唔係淨係佢,醒目仔即係『走精面』。我覺得一國兩制咁難實施,純粹靠走精面係唔得嘅,出事㗎,咁咪出事囉。」

談CY:你做咁多嘢,點解啲人唔多謝你?

廣告

至於現任特首梁振英,她本表示「我係佢閣員,不便評價」,但隨即又續稱,「佢好勤力,土地房屋方面做了大量工作,增加了供應,但睇到一樣嘢,你做咗咁多嘢,又扶貧又派錢,又長生津又低津又房屋,點解啲人都唔多謝你呢?仍然對特區政府咁多怨言呢?呢個啟示就係,要管理好一個社會,社會開心唔係淨係唯物」。

談到被指有可能參選特首的財政司司長曾俊華,葉劉淑儀稱,曾俊華是其舊同事,不想評論,但指自己任職保安局長時,曾俊華任海關關長,「即係算係佢老闆」,認為他「升得好快」,「係醒目嘅」。

發表意見