立場新聞 Stand News

拒讓部分場地予七一遊行起步 鄭耀棠:暴動都似 民陣霸咗維園十幾年啦

2018/6/20 — 19:08

今年是香港主權移交21周年,香港各界慶典委員會將會舉行200多項慶祝活動,包括在維園舉行嘉年華。對於被指是霸佔維園球場阻礙七一遊行,慶委會執行主席鄭耀棠今日反指民陣遊行已霸佔維園十多年:「點解你可以遊行,我搞節目就唔得?我搞節目畀市民娛樂,你就話我霸住,惡唔惡啲呀?」

鄭耀棠表示,今年活動會以「粵港澳大灣區」為主題,希望將大灣區信息傳遞予香港人,令市民知道大灣區對經濟及個人的重要性。

民陣早前表示,不排除七一遊行會就出發地點進行公民抗命。鄭耀棠回應指會「由得佢哋抗命囉,我都阻止唔到」,相信警方會有經驗處理。至於會否與民陣就場地進行商討、協調,鄭耀棠反問記者「商討咩」,強調慶委會一向依規矩辦事申請場地。

廣告

他又指維園是公眾場地,任何團體都有資格申請,由政府決定批予誰,「大家諗吓,邊啲節目受市民歡迎,咪動吓腦筋囉,唔可以唔用腦」。他又謂香港回歸21年,慶委會只有三次在維園慶祝:「你哋(民陣)霸咗十幾年啦,畀我用返一、兩年都得掛?你唔好霸得咁緊要啦!公道啲好唔好?……點解你可以遊行,我搞節目就唔得?我搞節目畀市民娛樂,你就話我霸住,惡唔惡啲呀?香港社會唔係靠惡搵到食,係法治社會!」

至於能否讓出部分場地予民陣,鄭耀棠形容會「暴動都似」,又稱慶委會需要使用到整個場地。即使他們願意讓出部分場地,警方亦不會同意此做法。被問到整個活動開支,鄭耀棠稱要數百萬元,需要善長人翁支持,籌辦的活動合共有200多項,預計吸引約50萬市民參與。

廣告

發表意見