立場新聞 Stand News

搞亂搞壞一個地方 從來都唔係無權無勢嘅反對派 而係政府

2017/8/24 — 19:59

天鴿吹襲後,澳門街頭到處都是塌樹。

天鴿吹襲後,澳門街頭到處都是塌樹。

絕對唔係幸災樂禍,澳門居民好慘,但澳門真係一個慘痛嘅例子,話你知一個好大喜功而唔需要向人民負責嘅政府,真係會害死人。

有啲嘢香港人要諗諗。

澳門起一大堆賭場,但係社區設施落後;香港起一大堆大白象基建「接通全國」,但係本地交通一潭死水,起港珠澳大橋,但係連電子道路收費都無,青嶼幹線收錢都可以半個香港塞車。

廣告

澳門經濟來源單一,其他嘢落後不堪,但係數字上一切都好好,年年有錢派;香港愈黎愈靠金融業,睇落繁榮穩定,但係住屋、醫療、教育全部都搞唔掂。

好多事嘅苗頭已經出現咗。

廣告

更嚴重係,澳門官員政府只係分餅仔,大家有錢齊齊搵;香港呢,張震遠、梁振英,甚至陳章萍,大權小權,只要有權就有錢齊齊搵。

仲有過份依靠大陸都係問題,澳門因為八成供電來自大陸,無電就變死城;香港都向呢條路走緊,而問題根源係,大陸好多嘢都靠唔住。

最後想講,澳門一直無公民力量,無人反對無人搞事,社會和諧中央都讚好,仲叫香港學習。事實係,搞亂搞壞一個地方,從來都唔係無權無勢嘅反對派,而係政府。

希望澳門居民早日脫困,死難者安息。

 

(標題為編輯所擬;原刊於作者 facebook

發表意見