2016/11/7

人大第五次釋法

2016/11/7

2016/6/16

林榮基勇敢說真相 爆中央拘押手段

2016/6/16

2016/12/2

政府入稟覆核四議員資格

2016/12/2

2016/12/6

申訴專員指政府阻網媒採訪投訴成立

2016/12/6

只需每月贊助$200

守護言論與新聞自由

立場新聞,寸步不退

守護言論與新聞自由。立場新聞,寸步不退

每月贊助$200,支持立場新聞

7
立場新聞 Stand News

政治眾籌

2017/2/3 — 16:22

曾俊華眾籌宣傳短片截圖

曾俊華眾籌宣傳短片截圖

當初聽聞曾俊華會舉行眾籌,已經覺得絕,但到今日佢落實我先講。

第一個想法,好自然係好似今日好多左膠的想法:「你咁有錢又有咁多有錢佬支持,使乜眾籌?簡直係乞兒兜攞飯食。」

廣告

但人要進步,便要跳出固有的框框去想。什麼是眾籌?眾籌不是慈善籌款,慈善籌款係用喺有需要嘅人身上,這點完全沒有錯,但眾籌more than that,眾籌係可以只講理念認同,例如聽過一個case,係眾籌叫人支持佢環遊世界;又好似早排有一堆網民將文言文譯成廣東話出本中國語文書,據我認識果幾位網友,不乏中產人士,使鬼眾籌咩!但眾籌可以係支持商品,也可支持其理念,覺得呢班人嘅理念過癮又推動到廣東話,咪科水囉。

政治眾籌則早已唔係咩新鮮事。所有政治人物都有機會涉及現實利益,有機會掌權者大把人捐,咁點解仲要眾籌?因為眾籌會令民眾成為stakeholders,直譯叫「持份者」(很不喜歡這個譯名),俗啲講句大家就會變成「債主」。你科水畀呢個人去參選,佢走數,你就可以名正言順話「你走我數」——因為真係有條數。呢樣嘢將本來只有有權有勢才可當嘅政治捐獻者分散,令到人人都可以是一定程度嘅政治捐獻者,樂觀啲睇就係分薄咗大孖沙的影響力(當然他們仍然很有影響力),這跟web 2.0和今日社交網站+智能手機在一定程度上打破權威籠斷的原理一樣。

廣告

這種眾籌,在香港,意義更大。如果冇眾籌,你點樣可以成為選舉的stakeholders呢?成個選舉真係與你無關。但眾籌,大家都可以成為候選人的「債主」,曾俊華要對債仔負責(不負責不找數是另一回事),變相就是全民「參與」了這場「選舉」。這當然不是民主,但至少今天有一個候選人,敢行呢一步,令到將來好多人有機會可以大大聲話:「X你個薯片,我當日有份捐錢畀你,你走我數?」。如果係冇眾籌的候選人當選,你只能講「我都冇份揀關我Q事」。

所以,諗呢條橋的人都幾絕——將一個受操控的選舉,引入最多stakeholders,讓無票嘅人在一定程度上參與了選舉,更有可能會影響到結果。

你畀唔畀錢,冇所謂,冇人迫你喎。但我覺得你狂鬧佢搞眾籌,有咩意思呢?民建聯都好有錢,佢搞籌款冇人會話「呢個黨咁仆街咁有錢走去搞籌款好嘔心」,你只可以唔捐同叫人唔好捐畀佢。另外,有啲嘢我唔想提,但都要提醒,當日我捐咗幾次錢畀學民思潮,係認同佢哋嘅理念,唔係覺得佢哋窮,因為佢哋係籌得最多錢嘅組織。但之後,呢個組織散咗,係咪走咗我數?你可以話係,但我從來冇後悔也冇怪責過呢樣嘢。那些左翼如果要鬧人搞眾籌,話人冇需要,或話人會走數,講之前想想這件事才好。

 

作者 facebook

發表意見

相關文章