立場新聞 Stand News

曾健超放棄上訴 從容赴獄

2017/3/21 — 11:22

曾健超 攝:朝雲

曾健超 攝:朝雲

21/3 高等法院

曾健超放棄上訴,從容赴獄

庭上民眾揮手送別

廣告

***

入獄前曾健超面對傳媒,強調自己做就會認,但不要誣陷他為七警飾非。他重申是向警察淋水,但決非其他液體;被捕時亦沒向警察還擊。

廣告

他解釋放棄上訴,很大原因是七警已經伏法,他亦會為所作所為負責。身為選委的他,依然會在獄中投票,揀選特首候選人。

***

曾健超說:

「我希望社會對抗爭者多啲理解同支持。我地追求嘅係自由、民主,係面對強權暴力打壓嘅時候,一直處於弱勢。每一位抗爭者出嚟抗爭都唔係為私利,而係為反抗暴政,為下一代爭取更加理想,更加公義嘅社會。」

「當我地社會仍然冇民主選舉,政權仍然唔受人民監察,官商勾結、法治倒退、黑警橫行。拒捕、襲警、阻差辦公、非法集會、甚至暴動嘅罪名,變成打壓異己嘅藉口。政府唔守法,以暴力欺壓市民嘅時候,我地要反問,市民係咪要盲目守法?」

「雨傘運動到今日,幾多示威者流血被打,幾多血腥暴力嘅鏡頭被隱藏,公義不見天日。我地係咪都變得麻木,無奈無力,唔敢再反抗,更加顛倒過嚟,責怪抗爭者嘅付出?」

「我相信抗命不認命,我相信民主同自由,唔係人地施予施捨,我相信抗爭先會帶嚟改變。希望更加多香港人企出嚟,守護公義,守護香港。」

「但願我地香港人唔駛再委曲求存;亦冇人再需要為抗爭犧牲。我知道我做嘅嘢對得住天地良心,亦知道我唔係孤單一個人。一個月後再見大家。」

***

曾健超隨即上庭,微笑回答法官,自願放棄上訴,即時入獄。法官退庭後,席上民眾與他揮手相送。

發表意見