立場新聞 Stand News

曾鈺成話:冇理由唔相信佢 我話:好似有大把理由唔信佢喎

2016/3/2 — 12:34

假如我話俾你聽:我信

你仲信唔信?你仲會唔會唔信?
你唔會因為我話我相信而信?

曾鈺成話:冇理由唔相信佢?
我話:好似有大把理由唔信佢喎?唔係咩?
或者:冇乜理由可以相信喎?係唔係我攪錯咗?

廣告

由佢提出嘅:
1 要返大陸嘅理由
2 要唔依正常渠道出境嘅理由
3 要繼續留喺大陸被安排見警方見傳媒嘅理由
4 要因為佢有居英權而被營救因而要「主動」放棄居英權嘅理由

上述理由邊一個可以通得過最簡單嘅基本常識及邏輯推論?

廣告

因此,
大家會唔會因為曾鈺成話無理由唔信而相信?
大家又會唔會因為外交部發言人表示"要尊重李波及其太太所說的「事實」"而相信佢講嘅係事實?
大家又會唔會因為一哥盧偉聰話冇證據顯示有人越境執法而相李波喺大陸所講嘅說話?

當然,如果有人話,呢個世界根本唔需要有基本常識,亦唔需要有邏輯推論。大家只需要:
相信共產黨;
相信外交部;
相信強力部門;
相信咁都話冇理由唔相信嘅曾主席;
相信只選擇相信共產黨嘅人大代表政協委員及建制派;
相信自己個腦原來係生喺PatPat度;
相信思考原來係唔使用腦、唔使用常識、唔使用邏輯、只需要用個肛門來思考;

如果你仍然認為冇理由唔相信,或者你選擇相信,恭喜你,你已經走完了共產黨設計下的「香港回歸」過程的最後一步,就是「人心回歸」啦。即係話:自己個心都唔要啦,俾埋佢,佢點話點好。總之以後就將將就就,自己個心回歸咗啦,冇咗啦!自己個腦袋?以後用嚟墊屁股囉,幾舒服吖!

最後一個問題:你信唔信我真係會信?

發表意見