立場新聞 Stand News

有一種蠢 叫周浩鼎

2017/5/18 — 17:06

圖片來源:周浩鼎 facebook

圖片來源:周浩鼎 facebook

【文:我是公關仔】

他有高尚的職業,人人以為可以從事這種職業的人都聰明絕頂,口才了得,可是他每次出場所說的話,所做的事,都完美摧毁律師的專業形象。

廣告

我們都會笑阿鼎挾律師議員之名做盡豬事,選區由「新界東」變成「新果東」又好、論壇扮喊搏同情但苦無演技無眼淚也好、成功爭取留戲院補選過後變無戲院也罷、甚至面對全城皆憎的梁特他仍一面誠懇的護航「梁特功大於過」;今勻仲將法官同被告關係扭曲為控辯雙方討論案情,總之單單新鮮單單柒。

大概他沒有大家認為律師應有的智慧,但他的EQ可謂稱皇稱霸,每次蠢豬過後,仍可以一臉自信謙厚的樣子說他如何如何專家專業專注,說些一聽就是有唔妥的假邏輯。

廣告

周浩鼎的蠢,初時以為不過是聰明人受權力錢財蒙蔽、鬼揞眼做阿爺的扯線公仔;但不論是選舉論壇、城市論壇、記者訪問,尤其當他遇上楊岳橋、慢必、陳淑莊等雄辯滔滔之輩,阿鼎個肺除了如他的名字不斷被「頂」,他自己也思緒紊亂口窒窒;而他所有謂解釋詭辯狡辯,往往都能被我眾升斗市民用普通邏輯發問就不攻而破。

但無論我們說周浩鼎如何豬如何蠢,他仍是擁有高尚職業的律師(雖然大家都唔知佢個牌點考返嚟)、被民建聯重點栽培、在2016年立法會選奉前被梁特大讚「口才好」、「不應埋沒」而被提升到超級區議會。阿鼎的蠢,大概就是他真的是蠢,蠢得胸無城府、不懂思考,公說公有理就說阿公是對的;婆說婆有理就覺得阿婆啱晒,身如柳絮隨風擺,比牆頭草更加柔韌。正所有更好嘅將軍都要有士卒,他的蠢可以行先死先,而且做盡柒事都只會讓人覺得「佢係咁架啦!」,一句佢無機心無私心只係無經驗就可以過骨,完全不會覺得他處心積累做盡壞事,只會覺得他是一隻棋。因為他本身都沒這種思考的本事。

「有一種蠢叫周浩鼎」,他的蠢讓利用他的人放心安心,交給他做的事預咗未必一定妥,但有鑊總可因為他的蠢而有人孭。這種人蠢,但往往可以扶搖直上。因為真正要耍手段玩機心的人,必定需要一些蠢得利用完佢都未必知道的心腹。這種人不但在立法會,在公司同儕朋友、甚至簡單如大學做project或上莊都會出現,他們的特性是你明知佢蠢但又奈佢唔何。你就死做爛做日日通頂,佢就蠢住蠢住行行企企就因為你嘅努力而攞A升職加薪甚至Head住你。還有還有,在你辛辛苦苦金晴火眼完成工作project時,唔該都無就「搞禍你」,讓你求生不得求死不能。君不見一眾泛民議員往往被他激到反白眼麼?

而被他的蠢而跣鑊甘的人,除了大叫他的本名「頂」,我們吹得他漲麼?

「聰明反被聰明誤」,然蠢到盡頭便是鼎。不要少看阿鼎今天不懂用word track changes的蠢,若沒有發現,他可以替梁特「打龍通」,或可令他在梁特最後的政灌下更上一層樓。然今天被發現了,全城圍攻,或許一個唔覺意如當日dreambear入獄一樣,一野以「防礙司法公正」送689入獄,到時全港歡呼,頓時成為人民英雄。

蠢到盡頭便是鼎,但蠢人,多多少少都有啲運;起碼佢碌到今時今日都仲係你隔離邪住你就知。

而今次,希望阿鼎繼續用他的運,為港人除去過去幾年的眼中釘。

熱切期待他成為港人大英雄。

 

作者簡介:公關仔,份工返日頭唔係返夜晚,但往往都係今日返工聽日先收工。facebook

發表意見