2016/11/7

人大第五次釋法

2016/11/7

2016/6/16

林榮基勇敢說真相 爆中央拘押手段

2016/6/16

2016/12/2

政府入稟覆核四議員資格

2016/12/2

2016/12/6

申訴專員指政府阻網媒採訪投訴成立

2016/12/6

只需每月贊助$200

守護言論與新聞自由

立場新聞,寸步不退

守護言論與新聞自由。立場新聞,寸步不退

每月贊助$200,支持立場新聞

7
立場新聞 Stand News

李嘉誠越老越精靈 表明態度不受西環壓力拒提名林鄭

2017/2/20 — 8:25

林鄭月娥、李嘉誠

林鄭月娥、李嘉誠

李嘉誠越老越精靈,周日佢表態,表示唔會提名任何人,而選舉日就一定會投票,因為係投暗票。呢番說話係對挺林鄭陣營鋪天蓋地「欽點」宣傳、誓取700提名票的當頭棒喝。李嘉誠唔提名林鄭,其實即係表明態度,但為免俾人打小報告,所以其他三人亦唔提名。

超人特別強調最後投暗票

西環盡取提名票送畀奶媽,正正係要將本來投暗票嘅制度扭曲成為投明票。因為西環本身有一份自己人鐵票名單,只要將公開提名名單及最後得票一對,就知道邊個走票冇投林鄭。假如700人提名林鄭,佢最後得票是678,中間有22票走咗,要找出這22人並不難,只要將提名名單減去自己人鐵票名單,就可以將範圍收窄。

廣告

如果選委因各種利益問題怕公開得罪西環、張德江,又唔情願在受壓下支持林鄭,唯一方法就是學李嘉誠,個個都唔提名。

超人慌死大家唔知,仲特別強調最後投暗票,冇人知。大家仲唔醒!

廣告

今次特首選舉是一場博弈,舊利益集團意圖延續689管治,梁是被習大大DQ的,最近傳媒透露梁收到習回覆才正式死心,但這幫人迅速集結在林鄭背後,短時間內製造群眾擁戴局面,最後靜候習近平一人點頭作實。

建制內仍有人想維護核心價值

問題係過去幾年梁振英鬥爭為綱路線撕裂香港,即使建制及工商界內不滿者比比皆是,起初共產黨官僚判斷這是唐梁之爭產生ABC的後遺症,若果換了台前keeper,搵個樣好少少嘅林鄭,唐營歸隊,三高當選自然天下太平。但有一點好多人估錯,建制內唔係只有利益掛帥,奉行nothing talk, money talk原則。建制內仍然有人係想維護香港核心價值,對梁五年來倒行逆施心痛惡絕,我相信李嘉誠就是這類人。

表面睇林鄭似乎正常過689,亦冇乜政治污點,甚至政治面貌相當模糊,可以討好各方。林鄭今天失去本地中產民眾信任,是源於她欠缺維護香港核心價值的決心,當中有個人選舉工程失誤因素,但更大原因是背後造王集團作為,引起市民憤怒。

香港問題歸在於一個「左」字

整個共黨官僚系統押注林鄭後,視薯片為泛民追打,現任特首、官員不顧形象及程序公正,群毆薯片,呢班人在市民眼中猶如過街老鼠,每次出招攻擊薯片,市民對林鄭的憎恨就上升一分,再加上低水平的左報宣傳機器抹黑攻擊,薯片就算瞓喺度民望都會持續上升。林鄭無法擺脫689這件政治負資產,也不敢同689管治路線作清晰切割,她如此取態,那批並非為利益而真心反梁者,自然唔肯上船。香港問題歸根究柢在於一個「左」字,如果北京唔好好處理、反省「梁振英路線」,清除治港極左勢力,即使成功扶植林鄭上台,也無法產生足夠政治能量,推動施政、政通人和。

農曆年間李嘉誠到中聯辦拜訪張曉明「中伏」被擺上枱,照片在網媒曝光,用到咁低招數對付李嘉誠,意圖製造李嘉誠歸隊挺林鄭印象,當時我已預見李不會就範,共黨官僚機關算盡太聰明,就是算不到李嘉誠對香港的感情!

(文章原刊蘋果日報)

發表意見

相關文章