立場新聞 Stand News

李國章:馮敬恩洩密屬搞事 人格有問題 我睇唔起佢

2016/12/16 — 12:13

港大校委會今年1月開會被學生包圍,時任學生會會長馮敬恩涉恐嚇主席李國章,李國章今續作供。李國章批評馮敬恩洩密時「講啲唔講啲」為搞事,反口則屬「人格有問題」,指自己「睇唔起佢(馮)」。李國章又指兩次針對校委的包圍示威,「唔係大學生行為,係壞蛋行為」。

叫馬斐森做「馬校長」

廣告

辯方資深大律師李柱銘指,李國章形容當晚情況是「暴動」,是十分嚴重的指控,而且李是第一個作出「暴動」的指控,李國章即回應指「馬校長 Mathieson」亦有以「mob(暴民)」形容當日的事件,「有mob先有暴動」,李國章之後才同意自己是首位以暴動一詞形容當晚情況,並解釋是因為自己人身受害,「針唔拮到肉唔知痛」,「有個violence喺『庶』就係一個暴動」。

指馮敬恩洩密講啲唔講啲屬搞事 人格有問題「睇唔起佢」

廣告

李國章於庭上不住批評時任港大學生會會長馮敬恩。

庭上提及去年7月,校委會被學生包圍一事,李國章指馮敬恩當時有大罵他「可恥」,但李國章指自己當時「表面鎮靜」,是因為他是位外科醫生,「醫生對病人,咩危險時期都係鎮靜」。

當李柱銘向李國章指出,馮敬恩並沒有說過「隊冧佢」的言論,並指李國章講大話,李國章不同意,並指自己「聽得好清楚,喺佢把口講出嚟」、「我唔會講大話,我發咗誓」。李柱銘指李國章是「憎」馮敬恩,李國章直言「我唔憎佢(馮),我係睇唔起佢,因為佢人格有問題」。

馮敬恩於去年9月召開記者會,大爆李國章質疑陳文敏沒有博士學位。李國章於庭上指馮敬恩違反校委會會議的保密原則, 又「講一啲,唔講一啲,咪係庶搞事」,斥馮敬恩是「反口」、「講大話」,更直指「呢啲咁嘅人你信得佢幾多」,而馮「反口」更令李國章「覺得佢人格有問題」。

否認自己是特首委任

另外,李柱銘指,李國章被港大舊生投票反對他做校委會主席,加上港大前法律學院前院長陳文敏的副校風波,所以李國章明顯是新聞人物。

李國章指,任何人當上校委會主席,也會成為新聞主角,而他自己不只那晚是主角。他更指,委任他的是「校監」,並非「特首」,因為梁振英是以校監身份委任他,並非以特首身份。

發表意見