立場新聞 Stand News

檔案法年內諮詢,就能解決公開資料問題?

2018/4/19 — 19:21

千呼萬喚,《檔案法》終於準備諮詢。行政署長蔡潔如近日問過律政司司長鄭若驊,指會爭取在2018年內推出檔案法的諮詢文件,有關工作已在最後階段。

香港嘅《檔案法》終於漸見眉目,我地當然要密切留意事態發展,睇下政府嘅檔案法有冇偷工減料,係咪真係可以有效力咁要政府部門開立、歸檔、存取、移交、銷毁同保存,令政府決策整全記錄,留住我城歷史。

另一方面,我地要知道《檔案法》並唔係一了百了,並唔必然代表政府決策就可以透明公開。《檔案法》必須要同《資訊自由法》相輔相成,才可令公民社會有效監督政府。《資訊自由法》原則上規定所有政府資料係誕生後都供公眾查閱,公眾只需要提出申請,政府便必須公開資料,但現時政府只有無牙力嘅行政措施《公開資料守則》,冇法定責任必須向申請者披露資料。

廣告

# 香港前途研究挖掘嘅英國國家檔案館檔案,就係根據《資訊自由法》解封封存超過30年(現為20年)嘅政府檔案。研究期間,我地發現英國國家檔案館封存香港檔案比例偏高,又發現英國外交部秘密扣起港英政府檔案,同樣都係透過《資訊自由法》提問、交涉及上訴。

故此,即使政府設立檔案法,若冇一套清晰的資訊自由法,保存得宜嘅檔案都會得物無所用,公開資料之路仍然遙遙無期。

廣告


█ 解密過去 🔓重掌未來 █
💰捐款支持
📖研究成果
🗂計劃詳情
📧聯絡 #香港前途研究計劃

發表意見