立場新聞 Stand News

沒有最荒謬

2017/7/18 — 19:23

2017年7月24日,高等法院裁定劉小麗、羅冠聰、梁國雄及姚松炎四名議員宣誓無效,議席被撤銷。民主派議員當晚在政總公民廣場外舉行集會,有逾千市民參與。

2017年7月24日,高等法院裁定劉小麗、羅冠聰、梁國雄及姚松炎四名議員宣誓無效,議席被撤銷。民主派議員當晚在政總公民廣場外舉行集會,有逾千市民參與。

•假學歷可以做議員,按多年慣例宣誓被褫奪資格;

•李慧琼邏輯:周浩鼎私通梁振英干預調查,「無違規、無違法」﹔人大釋法,合法宣誓變違法,佢哋「自己玩死自己」﹔

•得票是多數,立法會變少數;大石砸死蟹,少數變更少數;

廣告

•不符人大宣誓規定,宣誓一刻即失去議員資格,即要退還薪津。做咗成年,開會無數,員工服務市民,每月準時出糧,龍門突然被搬,議員「有汗出,無糧出」,工聯會點解唔出聲?特區政府不如用對付「黑五類」方法,唔使審,公開批鬥,「跪玻璃、吊飛機」,然後「抄家」,「多、快、好、省」﹗

•人工開支要由上任起退還,上任後投過的票就無問題,依舊具法律效力,究竟議員幾時有資格?幾時無資格?更重要,究竟誰有權決定民意代表?

廣告

•今日被DQ,日後告破產,破產無得選,係咁!

•縱使有錢還,補選要簽「確認書」,簽咗政府都話你唔真誠「擁護乜乜乜」,再DQ,無得選,死未?

•日後「成功」立23條,人大再釋法,宣布由九七年七月一日起生效,追溯九七後一切言行,誰叫過「結束一黨專政」,就是違憲,違憲就不擁護中華人民共和國,不單DQ你,違反23條捉埋你坐監仲得!

•被DQ後,法庭根據人大釋法判人坐監,打直行入去,化灰出返嚟,兄長還要召開記者會,地點在「習夫人香港特別行政區人民醫院」(前稱「瑪麗醫院」,愛國嘛!),並向中外傳媒痛哭流涕:「感謝黨,感謝政府的人道主義安排!」未亡人?自由了!共產黨話嘅! 

發表意見