立場新聞 Stand News

港青港青 滿載溫馨

2017/4/12 — 5:12

立法會財務委員會審核開支預算圖表

立法會財務委員會審核開支預算圖表

立法會回覆議員提問,公佈過去五年來獲資助到內地交流的專上學生、中小學生原來已大幅增加305%!

今年就有十萬大中小學生大軍北上交流,當中 「零零後」嘅中小學生係被選中嘅孩子,中學生每5位入面就有1位,小學生每8位入面就有1位。中小學加埋12年,年年北上交流數字不停大增,未來香港學生想唔去一次「愛國團」都幾難。

廣告

根據立法會另一數據,自雨傘運動之後,過去四年單就「青年內地交流資助計劃」同「青年內地實習資助計劃」,港青北上交流實習撥款已增加兩倍,從2014年-15年嘅3,500萬,增至今個年度1.2億。四年間參與港青更增加一倍,今年就送24,500位港青上去交流實習。

呢D交流活動究竟係俾你認識到中國既真貌,定還是係一批批咁運D港童港青考察大陸嘅「發展成就」同「大好河山」,又會同你「尋找家鄉的故事」,青年嘅就推你上去「綻放青春」,販賣「放眼神州搵好工」,參與過嘅就知道內情。而當中牽涉既政府大量資助,實質上已構成龐大的「北上交流」利益集團,相信好多親中建制團體從中都抽唔少油水。

廣告

雨傘運動過後,間唔中都有京官同人大政協發表偉論,要廣泛深入參與港澳青年工作,增強香港同胞的國家觀念和中華民族意識。特區政府近年大幅增加撥款送港童港青北上,明顯就係配合上面嘅國民教育同青年工作要求。習近平2015 年提及港澳統戰工作就講過,「贏得青年才能贏得未來,統一戰線在這方面要多做綿綿用力、潛移默化的工作。」。呢D北上交流實習活動相信或多或少都會為統戰下一代嘅目標服務,香港人真係不可不察。

 

Source:立法會財務委員會審核二零一七至一八年度開支預算管制人員的答覆 (問題編號:1852)

立法會財務委員會審核二零一七至一八年度開支預算管制人員的答覆 (問題編號:0098)

作者 facebook

發表意見