立場新聞 Stand News

「西九人」的耳聞目見

2018/3/12 — 22:25

3月11日立法會補選,九龍西參選人姚松炎與鄭泳舜作最後拉票。

3月11日立法會補選,九龍西參選人姚松炎與鄭泳舜作最後拉票。

講兩句,唔係搵罪人祭旗或要罵戰,FOLLOW開我都知我冇乜興趣玩呢啲,但我係西九人,喺嗰度長大,斷斷續續住咗廿幾三十年,可以講兩句耳聞目見的。

我在西九居住和工作,西九住咩人種,我都知個大概。我搵過記錄,過去在西九勝出的泛民,除了劉小麗,全部都有政黨支持,但劉小麗都用咗好長時間在西九街頭擺小麗民主教室。這就是西九的特質,唔好扮高深講理念,佢哋唔係港島人。

更重要係,姚的對手係民記富二代阿舜,2007年開始做區議員,民記在西九實力非凡,單係立法會議員已經有鼠王和元秋,仲有唔好忘記,李慧琼都係西九地區出身的。上次區議會,我嗰區候選人去酒樓掃樓,係由元秋同李慧琼旁住的,你諗吓佢哋喺地區幾咁勁,由佢哋SELL一個已經係十幾年區議員嘅人,好多人會受落。我在太子見過四五次鄭的街站,有一次仲見到真人,同街坊握手,一個乖乖仔對住啲阿媽咁,講真,好入屋好受落,姚完全唔會打動到呢啲師奶。平心而論,姚咁都係輸二千幾,已經好好,但佢本來應該贏,係最應該贏,但真係冇做地區,為反DQ的人要出嘅已經出晒嚟,但唔夠贏對手,地區,真係應該做好啲。

廣告

我今日從各人版面上看到姚松炎的BANNER,那些寫大字FEEL嗰隻,我真係老老實實,咁耐冇乜見過,證明Banner真係好少,但見到又如何呢?我真係覺得好核突。

 

廣告

#全民評論員
#無情批評向來係民主自由社會的生態
#唔想全民做評論員可以支持香港大陸化
#民主應讓人謙卑唔係讓人自我澎脹

發表意見