立場新聞 Stand News

許智峯道歉 老海鮮現形

2018/4/26 — 21:10

2018年4月26日,立法會民主黨議員許智峯就取去行政主任手機事件,向該名政府人員與公眾鞠躬道歉。 TVB 新聞截圖

2018年4月26日,立法會民主黨議員許智峯就取去行政主任手機事件,向該名政府人員與公眾鞠躬道歉。 TVB 新聞截圖

許智峯公開鞠躬道歉,頭先民主黨已經出聲明譴責佢,並暫停佢會藉,送去紀委處理,大家收唔收貨見仁見智,畢竟收唔收貨都視乎你係咩立場同價值觀。

而家好多人想佢死,包括劉慧卿同某啲大佬,劉慧卿竟然跟土共機要許智峯辭職。當成個黨系統動員啲帝制派、黨媒、打手不斷將許描述成殺人狂魔咁批鬥,佢地要人格加政治謀殺許智峯好正常,但劉慧卿你駛唔駛跟得咁貼呀?

廣告

許智峯呢次做法極之魯莽、不智,民主黨最合理嘅做法係紀律處分,然後有冇官司就唔係民主黨嘅事。如果咁樣你地堅持都係要判佢死罪,我反而有興趣睇下之後如何上庭個法官點判。就算僭建驊要告許智峯搶嘢,都要證明佢有呢個意圖。就算佢地點都要搵條普通襲擊罪或者非禮罪嚟charge佢,都唔一定告得入。除非真係告到佢要坐三個月監然後冇得做,咁大家無話可說。但如果唔係咁,我地唔好忘記許智峯係民選議員,能夠令佢下台嘅應該係選民投票而唔係劉慧卿。

呢個時候,應該係向公眾解釋許智峯點解會咁激動,爭取公眾諒解,唔係要幫西環手去批鬥。民主黨班老海鮮而家咁樣幫手造勢,係真心想止蝕?定係想踢走已經離世嘅阮品強保送入區議會嘅許智峯?大家唔好忘記

廣告

老海鮮無論係真心定私心,咁樣幫手搞死許智峯的話,只會令泛民個勢更弱。

如果帝制派真係要動議譴責,要三份二票數褫奪許智峯議席,你民主黨如果契弟到缺席投票俾佢過到,你地唔係保住基本支持,而係梁耀忠一樣嘅千古罪人。

我唔想臭蟲論,但我仲記得周浩鼎私下同要傳召嘅689通水涉嫌公職人員行為失當、柯創盛同葛佩帆嘅學歷涉嫌造假、何君堯涉嫌虛報自己英國執業,要嚴正執法唔該一視同仁。發夢啦你,想告呢班大天二?你問過自己都犯法嘅僭建驊未?

但係,無論如何最後嘅底線一定係要頂住,唔可以俾班老海鮮迫退許智峯。

 

作者 facebook

發表意見