2016/11/7

人大第五次釋法

2016/11/7

2016/6/16

林榮基勇敢說真相 爆中央拘押手段

2016/6/16

2016/12/2

政府入稟覆核四議員資格

2016/12/2

2016/12/6

申訴專員指政府阻網媒採訪投訴成立

2016/12/6

只需每月贊助$200

守護言論與新聞自由

立場新聞,寸步不退

守護言論與新聞自由。立場新聞,寸步不退

每月贊助$200,支持立場新聞

7
立場新聞 Stand News

調查範圍修訂?根本係自辯陳詞喎

2017/5/15 — 20:07

媒體爆出,原來周浩鼎(或稱「立法會 UGL 專責委員會副主席」)向委員會提出修訂「擬議主要研究範疇」(講白啲,就係調查範圍)的用字,係一字不漏地由特首辦(即係調查對象的辦公室)供稿。經特首辦指示(咁都唔叫指示,基層工人都唔知咩算係)委員會副主席要求修改之後,調查範圍會有咩變化?

先講有關梁振英同 UGL 協議嗰部分。本來委員會的調查方向,係由梁振英同 UGL 之間有冇協議存在,繼而查究協議有咩條款同條件、梁振英根據協議收過咩錢,另外會集中睇兩瓣︰協議有一條要求梁振英要為 UGL 同舊公司戴德梁行擔當推薦者同顧問,以及梁振英曾經提出修訂協議,委員會想知修改完個協議會有咩效力等。

廣告

「CEO/鼎版」的建議刪走調查協議主要條款的部分,然後無端端將個調查起點,扭左去澳洲媒體披露的協議文本,叫個委員會驗證下「澳洲傳媒公開的協議」版本、連同版本內的修訂,加埋 UGL 有關協議的傳媒聲明,係「真定假」;在呢堆「驗明正身」的背景調查之下,「CEO/鼎版」再建議委員會去睇梁振英收錢的詳情;至於個「推薦與顧問」條款,「CEO/鼎版」就建議要睇埋條文的「背景同原意」。

一個協議的條款同條件 (terms and conditions) 既可以明文示明,亦可以是隱藏條文 (implied terms),委員會本來的調查方向,就係要深究梁振英應承左 UGL 乜嘢而得到咁大舊錢,甚至可以回溯到整項交易背後的不同尋常之處,包括 UGL 低價收購、債權人盡獲收購價而股東分文未得、有更佳收購建議未獲採納等;「CEO/鼎版」就變成去睇下份協議張紙真定假,咁如果個答案係「真」,剩低嘅嘢就已經冇咩好查︰份文件係真的,根據份「真文件」收錢有咩唔妥呢?那個「推薦與顧問條款」,有背景因素嘅,原意就係唔想引起利益衝突的嘛,bingo,查完。

廣告

跟住係申報同利益衝突。「CEO/鼎版」好想強調《基本法》第四十七條同調查相關的就只係「行政長官就任時(基層工人按︰就任時,第三次,就任時)應向香港特別行政區終審法院首席法官申報財產,記錄在案」呢部份,無非係想公眾唔記得第四十七條有上半身︰「香港特別行政區行政長官必須廉潔奉公、盡忠職守」;另外亦幾個新加入的 terms,即係「 UGL 完成收購戴德梁行」、「部分條款有效」以及「已完成的條款」等。

綜合來講,「CEO/鼎版」修訂一經接納,呢份根本唔係咩委員會調查範圍,而係梁振英的自辯陳詞︰

a. 同 UGL 個協議呢,就係 golden handshake 來的;

b. 當鄙人上任做特首的時候呢,個收購已經做完,協議入面有啲條款就唔再適用,唔會規範我要做任何事;

c. 之但係,筆錢係個協議規定我可以收的嘛,咁我冇違約,收錢,冇犯規喎;

d. 至於我有冇食舊老闆夾棍、個協議簽之前同任何人任何單位通過啲乜聲氣(UGL 自己承認有 various discussions 的),甚或者點解我咁醒目,當選前三個幾月已經預料到呢份嘢可能會 create any conflict of interest 仲補埋底,唔好意思,通通 out of scope 了,我唔駛答。

呢個係典型過唔典型的,先有答案然後出問題的寫法。繼續旨意專責委員會查梁振英?算把啦。

 

作者 facebook

發表意見

相關文章