立場新聞 Stand News

【選舉論壇】曾俊華:好多政客講咗當做咗 林鄭多次爛尾收場

2017/3/19 — 19:46

三名特首候選人今晚同場出席選委舉辦的論壇,曾俊華在選舉論壇上,狠批對手林鄭月娥不少工作都爛尾收場,指「好多政客都係講咗當做咗」,指市民過去數年已了解何為語言偽術,不會被「呃到」。曾俊華又指,自己在這場選舉中,「冇諗過輸」。

在今晚舉行的選舉論壇中,衞生服務界選委戚雅然問林鄭月娥,2014年10月21日她與學聯對話時,作出四點承諾,包括設立一個多方平台,但平台自始至終無影。林鄭月娥回應稱,當日與學聯五子辯論,希望透過民情報告與平台,盡早解決佔中問題,但「之後金鐘發生咩事,大家比我清楚」。

曾俊華即揶揄林鄭,指「好多政客都係講咗當做咗,林太大家都可以睇到好多例子係爛尾收場,講好多丁屋,而家提都冇提到,講星光大道有人話官商勾結,就即刻跪低成個計劃縮小;故宮博好事變壞事,因為黑箱作業,市民經過過去幾年,都知道咩係語言偽術,唔會畀人呃到。」

廣告

而胡國興則指出,林太當時是政改三人組之首,但政改「搞得一啲都唔成功」,才引致佔中,「佢而家在政綱都話要等有氛圍先搞政改,佢點會等得到,因為831係全部人都唔同意……佢等得到,到時可能係佔全香港」。

廣告

發表意見