立場新聞 Stand News

香港淪亡旁邊 必定有袁國強三個字

2017/12/21 — 21:50

林鄭話,希望公道評價袁國強,好,睇事實最公道。

係佢任內香港司法獨立排名,急跌到第13。

推出選舉確認書,政治審查參選人,話有法律依據。

廣告

行政長官(梁振英)破天荒JR立法會議員,袁國強有份。

人大常委喺高等法院未有裁決主動釋法,先後DQ六個民選議員,袁國強釋法前話希望無需釋法,釋法後話無損法治,而基本法158條咁樣寫,「香港審理案件時需要對本法進行解釋⋯⋯應由終審法院請全國人民代表大會常務委員會解釋。」

廣告

主理政改,但在有角色衝突公民廣場案,和東北案,力排眾議堅持刑期覆核。

一地兩檢方案,袁國強話「基本法無劃定香港範圍」,一再強調方案符合基本法,但至今未講得出引用邊條基本法,早前提出法律理據,被梁愛詩譚惠珠打臉。

防止賄賂條例適用行政長官,一直無落實。

對港獨,重覆話港獨違反基本法,無視公民無辦法違憲,香港無成文法針對分裂主張,基本法保障言論自由。

對何君堯話殺無赦,就話唔可以憑一兩個字決定係咪違法。

公道既評價,就係袁國強劣跡斑斑,馨竹難書,唔好話王仁龍,梁愛詩最衰都係胡仙案,袁國強,成頁紙都寫唔曬。

有人話,佢都係收order做野,又好公道,有order你可以唔做,再公道講,主謀係首惡,幫兇都唔會罪減一等。

歷史會記住你,以後回看歷史,香港淪亡旁邊,必定有袁國強三個字。

 

作者 facebook

發表意見