立場新聞 Stand News

反對粉嶺球場與建屋對立 高球總會CEO: 非最後一塊地 拆咗下一代或後悔

2018/2/20 — 12:15

背景圖片來源:維基百科

背景圖片來源:維基百科

土地供應專責小早前開會,討論佔地172公頃的粉嶺高爾夫球場,是否應用作興建房屋。香港高爾夫球總會行政總裁賴以尊今日出席商台節目時表示,反對將高爾夫球和建樓兩件事對立,又指球場不是「香港最後一塊地」,「有啲人將高爾夫球場同起樓對立上來,我哋覺得完全是錯的對立,不必要將兩件事攞埋一齊對立起來。」

他稱,作為香港市民,明白港人的房屋需求,「但這幅地不是香港最後一塊地,點解要將運動同起屋對立上來,呢個我完全反對。」

賴以尊認為,「你攞咗球場以內嘅(地方起樓),咁就會直接影響呢個運動發展。」他認為,「有心人」把建屋與球場對立,「香港高爾夫球會或者粉嶺(高爾夫球場),並非只是屬於2000多個會員 … 粉嶺高爾夫球會其實是屬於香港人的高爾夫球會,是屬於呢個(高爾夫球)運動的高爾夫球會,是屬於學校的高爾夫球會。是屬於大型比賽的高爾夫球會,是完全屬於港人。」

廣告

賴以尊:與公眾場地分別不大

賴以尊提到,粉嶺高爾夫球會周一至周五可供公眾使用,公眾可透過互聯網訂場,「一年絕大部分使用時間是公眾人士使用,即是同一個公眾場,無咩大分別。」

廣告

賴以尊指出,粉嶺高爾夫球場內的「舊場」,是港隊主要訓練基地,也是屬於學界球場,「相當於灣仔球場有好多集體回憶,學界越野賽(在球場內的舊場)已經舉行了38年,今年是第39年。」

他又稱,政府可考慮其他增加土地資源的方案,「為何要向一個百年球會開刀呢?呢個歷史、呢個文化拆咗之後就返唔到轉頭 … 而家是否得一選擇呢?其實唔係。」他又認為,政府應以填海解決土地不足的問題,「新加坡填海,澳門都是填海 … 呢幅不是香港最後一塊土地,如果拆咗可能返唔到轉頭,下一代可能會後悔。」

 

發表意見