2016/11/7

人大第五次釋法

2016/11/7

2016/6/16

林榮基勇敢說真相 爆中央拘押手段

2016/6/16

2016/12/2

政府入稟覆核四議員資格

2016/12/2

2016/12/6

申訴專員指政府阻網媒採訪投訴成立

2016/12/6

只需每月贊助$200

守護言論與新聞自由

立場新聞,寸步不退

守護言論與新聞自由。立場新聞,寸步不退

每月贊助$200,支持立場新聞

7
立場新聞 Stand News

問題唔係背囊 係教養

2017/3/7 — 16:00

港鐵宣傳短片截圖

港鐵宣傳短片截圖

我大部份時間都孭背囊,在繁忙時間,因為人迫,我係會將個背囊轉單手孭,放在前面。我見到有Post話日本人會咁做,係教養問題。係架,我好多教養都係學日本人,唔喧嘩,做人含蓄啲,多啲諗吓自己會唔會影響到人,盡量唔好乞人憎,我成日都提醒自己去學。

所以,問題唔係背囊,係教養。背囊只係小菜一碟,冇教養,做好多嘢都乞人憎,例如呢?在地鐵高聲喧嘩、大聲講手提電話跟乘客分享八婆事(又要提吓,日本車廂真係好寧靜)、睇片唔用headphone、啲大嬸大叔開大volume打機、剪指甲、做"柱男柱女"、任由自己啲細路在地鐵圍圈跑或做單槓、塞喺門口死都唔行入去、我未落車佢死要衝上嚟撞埋我到....., 每日遇到嘅呢啲事情,多不勝數,所以有時我都好想話鄰國人係蝗蟲,但有時真心覺得香港人唔係好好多(唔係因為我左膠要包容囉)。

還有,其實地鐵廣告那種背囊客,影響到人嘅,我好少遇到,係有遇過,但情況一點都不嚴重,點解要特登拍個廣告去針對背囊呢?係咪加咗價錢多得滯要用咗去,拍啲垃圾都好咁解呢?我遇過最影響乘客嘅,有兩類,第一類我比較寛容,就是那些速遞員,拖住一大箱一大箱的速遞貨,霸咗幾個車廂,而且他們的態度一般都怪怪地惡劣,但我知呢一行請的,很多都是有點"問題",如智力不高,社交能力欠佳等等,他們較難找到其他工作,而開工的時間都不是繁忙的時段,再看到他們一個人拿這麼多件貨,也知道辛苦甚至被虐,我就會寬容一點。

廣告

第二類,唔使講,係"喼神",一班大陸客用佢哋嘅喼,橫行霸道,阻住成個車廂,佢個喼撞到你,係應份嘅(因為個喼冇眼㗎嘛)。呢啲喼神係咩客?唔使我多講啦!喼神問題有咗幾多年?地鐵咁多錢都唔拍一個廣告,去針對喼神,針對水貨客,走去批鬥背囊,我真心唔明點解囉。

所以呼籲網民轉拖喼,我贊成㗎,拖喼碌到人唔使被批鬥㗎喎,鬼叫你香港人賤呀!

廣告

 

原刊於作者 facebook;標題為編輯所擬。

發表意見

相關文章