立場新聞 Stand News

幫小朋友搵英普環境幼稚園 以為贏在起跑線

2017/12/6 — 16:53

本地一慈善機構辦學的幼稚園。(資料圖片)

本地一慈善機構辦學的幼稚園。(資料圖片)

是日新聞:

研究又發現,學校以普通話作授課語言的學生,閱讀平均分為569,相比不是以普通話作授課語言學生的平均分低,反映普教中不代表令學生的閱讀能力特別好。

研究咁講,你信唔信?冇用,都係會好多人唔信。

廣告

最好笑係,依家啲人揀幼稚園,好強調要搵英普環境。英文都還可以理解,要普通話環境做乜?你只要中文好(唔係普通話好,係中文好),要學返普通話係好容易,學了拼音,睇幾套講國語的劇集,你就進步得好快,因為大家同文同種同文化,詞語差異不多,語法更唔使再學(記住你要中文好,唔係普通話好),兩者只係音調不同,而粵語比普通話複雜得多,所以普通話係更易學(你唔好同我講要學到咩北京音好難,你諗住去中央台做ANCHOR咩?等於唔好同我講要個小學生講到咩牛津音/native accent先叫英文好)。

啲學校就成日強調普通話來呃家長(當然部分也出於政治原因),而事實係,我接觸的大部分學生,識普通話,甚至普通話朗誦冠軍,咁又點?中文成績一樣差,因為語文應用(作文/閱讀)唔係單單講你識幾多字,也唔係你識讀幾多普通話,更唔係你寫出來的書面語語法正確,而係你對世界有幾多認識、有幾多觀察和有沒有睇法。一個人自小被訓練到好似一部識普通話的機器,而喪失表達的興趣,沒有一絲表達的欲望,怎會掌握深度閱讀和寫作呢?

廣告

不過講完都冇用架,我知道大家都係會繼續搵英普環境的幼稚園,以為咁就係贏在起跑線。係架,不過我可以話畀你聽,好多人升上高小就輸晒。語文運用出現問題,到個學生升上高小以後,就會非常明顯。

 

(標題為編輯所擬;原刊於作者 facebook

發表意見