立場新聞 Stand News

廣東話威力無窮

2018/4/30 — 10:51

香港演員杜汶澤及校長吳永雄

香港演員杜汶澤及校長吳永雄

生於斯,長於斯,香港仲有好多人同我一樣樣,以廣東話為榮。

生鬼,活潑,傳神,抑揚頓挫,鏗鏘有力,靈活多變,一個動詞加名詞,短小精悍,由吹水到乜水,再由莫水到撲水磅水吊鹽水,盡顯廣東話威力無窮,認咗第一,無人敢認第二,三教九流,嘰哩咕嚕,行埋一邊,堪稱橫掃整個華語世界。

香港演員杜汶澤及校長吳永雄,一個以粵語演出港產片,粗口流利,一個以廣東話九聲教授詩詞歌賦,之乎者也,我要對佢哋兩個立正敬禮,而我亦不遑多讓,堅持用廣東話演講辯論拍廣告寫文章,確實吾道不孤,英雄所見略同。

廣告

做人唔可以忘本,廣東話係母語,英語國語潮語只是工作語言,我以廣東話同埋舊日東方之珠為榮,唔係𠵱家黑白不分嘅香港。

作者facebook專頁

廣告

發表意見