立場新聞 Stand News

【我地呢班中學生.放榜之後】社運青年:敗在中文科 「人生真係唔需要太成功」

2018/7/11 — 18:23

今日是中學文憑試 (DSE) 放榜,《立場》重訪「我地呢班中學生」專題中的應屆 DSE 考生,傾聽他們心聲,了解年輕人們如何構想前路。

上次見面已坦言不太喜歡上學、說不上投放了很多心機在 DSE 上的 Edward,今日放榜。在那張通識科旁邊打上「5** 」的成績單上,Edward 大部分科目都考得不俗,但唯獨就是在人稱「死亡之卷」的中文科,考了一個「2」級,未符升讀本港大學的最低要求。

Edward 昨晚看完法國對比利時的世界盃賽事後,睡了幾個小時,今早8點多就要趕回學校拿成績。他之後拿著一科中文不及格的成績單,先跑去報讀中文大學的副學士課程,再去海外升學中心拿資料,頻頻撲撲了大半天,下午算是稍為安頓下來,給記者撥了一個電話。

廣告

又是敗在一科中國語文下,不少人大概都會揼心口。但 Edward 說,其實自己考完中文科踏出試場的一刻,已知「必死無疑」,其他科目考得算不錯,反而有點喜出望外。

「Physics 真係撞彩,本來我以為考出嚟係 2 㗎!結果竟然有個 4 喎!」

廣告

Edward 說,因為一早已經有心理準備,成績不夠升讀本港大學,所以心情也挺平靜的,不過就是要利用未來幾天時間考慮清楚,究竟要選擇留在本地讀副學士,還是去海外升學。

「其實我依家嘅成績,去外國係 okay 嘅,都可以讀到唔錯嘅大學嘅 foundation programme,」Edward 頓了頓,「但係呢,我想留喺香港 — 唔知啊,始終唔係好想走。」

其中一個拽住Edward的原因,是香港的社運工作 — 他自前年7月開始加入香港眾志青年團做義工,一做已是兩年,佔據了現時生活很重要的一部分:「如果真係走,要放低好多依家做緊嘅嘢。」

Edward 擔心,如果真的去外國讀書,起碼要放下現在的工作好幾年,幾年後的香港是怎麼樣的光景,誰也說不准。他也跟眾志的伙伴們談過,很多人都勸他把握機會,能走則走,但 Edward 還是有一絲猶豫:「我唔想去完外國返嚟,失去咗對香港嘅歸屬感。」

不過 Edward 都覺得,如果有機會出國讀書,看看外邊的世界再回來,或者對自己和香港都是好事:「其實都想睇下外國係點,去感受下其他地方嘅社會啊、教育啊,希望可以將出面睇到嘅嘢帶返嚟香港囉!又或者俾自己有啲思考、沉澱吓嘅空間。」Edward 說罷忍不住笑:「安慰自己就係咁講囉!」

不過至於選科,Edward 坦言,他除了知道自己想讀社會科學、政治相關的學科外,他還未想得很清楚:「其實我都唔知道自己第日想點㗎,所以咪想讀社會科學囉!」

無法一 take 入大學,Edward 清楚自己未來仍要面對不少困難:「我知道係唔容易㗎,但我真係唔係好介意,因為就算我依一刻好似好順利,都總有一日唔知會點㗎啦,都係見步行步,」Edward — 這個才17歲,已像個老人精的少年,反問:「咁 DSE 又算係幾大部分呢?」

上次訪問已明言,希望自己十年後可以繼續站在街頭,為人發聲,Edward 今天說,這個想法仍未改變,而除此之外,他也不強求未來要讀一個什麼專業、要如何平步青雲:「其實最想都係活得開心、無悔囉 — 做到自己想做嘅嘢,人生真係唔需要太成功。」

發表意見