立場新聞 Stand News

【我地呢班中學生.01】文學女生:香港冇乜希望 夢想移民日本

2017/9/19 — 16:12

「DSE 完左之後,我諗住去台灣讀大學,讀語文學系。」Jenny 說。她喜歡閱讀,鍾情日本文學,最愛太宰治的《人間失格》,但她成績並不理想,媽媽曾言:「如果真係讀唔到大學嘅話,不如快啲出嚟做嘢,幫輕吓屋企」。

Jenny 一家六口居於公屋,今年暑假曾到餐廳打工,並將部分薪水幫補家計,說:「自己有能力嘅,咪自己出去賺少少囉」。兩名哥哥早已出身,並願意承擔其大學開支,「我好開心,會勤力啲,唔會再好似之前咁」。

小時候,Jenny 不知上學為了甚麼,小學不時逃課,形容自己當時「極度百厭」。媽媽警告「唔返學會被人拉」,她才乖乖回到學校。她形容初中階段「唔知自己做咩」,但記得中三時發生雨傘運動,爸爸帶她到金鐘佔領區。

廣告

「去到之後,我覺得啲新聞有啲抹黑咗啲佔中人士。佔中人士都幾自律,咁多人為咗改變而出嚟行。」Jenny 強調自己並非「參與」佔中,而是去「體驗」一場大型社會運動,政治取態中立,建制民主的聲音都願意聆聽。

相對於社會運動,Jenny 更有感於中國崛起。她眼中的中國人「好有錢,真係好有錢」,「個個落嚟香港駛錢都唔駛考慮咁,拖成袋現金嚟買樓,三百幾萬都直接買」。雖然如此,她覺得滿街人都在說普通話,本土特色的舖頭逐漸式微,取而代之的是名牌和藥房。

廣告

面對著「中國繁榮、香港衰落」的形勢,Jenny 說:「喺香港覺得真係冇乜希望咁,所以想移民囉!」

移民,繁榮的中國不在其考慮之列。Jenny 認為中國「發展得太好」,忽略了生態保護,亦爆出不少黑心事件。她亦不滿中國新聞透明度不高,「好多你應該要知嘅嘢都被國家抹走咗」。

喜歡日本文學的 Jenny 希望移民到日本,甚至研究過移民日本的條件,並承認難度甚高。她目前正在自學日文,希望十年後能夠實現移民夢。

發表意見